Piyeküsü 16:15 - Sümi Tiqhelimi Bible

¹⁵ “Julo, ni ye küpkami lakhi toi ighini cheni! Timi khuu no züida aghí püzü tiphimini pepumini aghíni keno tipano kümghae, kughengu pa ye aphikümsa iqho-iqimo nani eno timi gizülo akukujopu shivemo nani.”

BAIBEL (BSI)

¹⁵ “Julo! Niye kupkami lakhi toi ighini cheni. Khunono zuida apuzu pa phimini jukuto anikeno tipano lokivipue, tishianguno paye aphi kumsa iqhoiqimo nani eno aqo zulo kujomzavemo nani!”

Sumi Naga CL (Re-edited) Bible (BSI)

¹⁵ (“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)

Piyeküsü 16:15 Mawu Ofanana

MATTHEW 25:13

“Tighenguno jukuto alo, kughengu nongu ye atsala momu ayì kihedo vehu mtha ke.

MATTHEW 26:41

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”

Mark 14:38

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani, ikemu ashi-aji no miqemilei anie.”

Luke 21:36

Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”

Apostolmi 20:31

Ikehu nolikhi nongu jukuto alo! I no anhezü-piji ampe küthü kutólo tamo no putho-pucho nongu lakhi-khi pikichi achekeu kümsülu alo.

2 Kor. 5:3

kughengu kughou ningu no kungugha phimpi pepu luveni keno ningu ye aphi kümsá shimove nani.

1 Thes. 5:4

Ikemu athiküzümi eno achelimiqo, nongu ye hipau vehu mtha no anike kumoe, ikehu Ampeu tsalá ighi kelo küpkami lakhi toi nongu kichiqhi pe kepu kumoe.

1 Thes. 5:6

Ike tishiaye, ningu ye kütami toi zü akepu kumoe, ikemu ningu tsükhutsüvai eno alokütsü shini nolo.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

2 Peter 3:10

Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”

Piyeküsü 3:11

Ni ye itheno cheni. Nono kiu pe ani keno tipau tsüqüpe ngo lo, tishianguno khiu pelomu O kütsükuqho ikhiluve pemo nike.

Piyeküsü 3:18

O pelo kiními shilu penike ghenguno I no O vilo I lau no ami lono thakütsüghüve keu ameshoyi qhülulo; O phikümsa küküjo küzü nike ghenguno miyetsüghoi keu phimini pepu kepu qhülulo; eno O pelo ithulu penike ghenguno O nhethi lo sǘ kepu shikipivi qhülulo pi akükümsü O tsüke.