Piyeküsü 13:14 - Sümi Tiqhelimi Bible

¹⁴ Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

BAIBEL (BSI)

¹⁴ Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Sumi Naga CL (Re-edited) Bible (BSI)

¹⁴ eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 13:14 Mawu Ofanana

2 Thes. 2:4

Pa no Alhou ipikeu jeli momu mülá chekeu thime jeli kümtsü lachile eno pa likhi pa pesü thime kümtsü shou süqhe nani. Pa no Alhou chineki lo iqave püzü pa likhi pa pesü Alhou ke ipi piwuve nani.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 13:1

Tüghaküsa hu no azüghi mükü lo puthugho ae. Ikelo azüghi lono tüghashi lakhi ipeghi keu I no ithulu. Tüghashi tipau ye akibò chighí eno akütsü tsünì eno, pa kibò lo akütsükuqho chighí ake, eno akütsü kümtsü lo pipütha keu je lakhi-khi ae.

Piyeküsü 13:15

Tüghashi atüghiu julho lo athuthu tsülu kepu küká pesü tüghashi akiniù tsüe. Tishianguno ajulho pelo atsa pilu pe eno ajulho mülámo kemiqo kümtsü pìthíve peniye ke.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 14:11

Eno panongu ghimeqhi akeu michhi no alhokupuju phoiku nani. Khunoqo no tüghashi eno tipau julho mülá momu tüghashi jemichi xapuveni keno pano ghengu ye puchomu puthomu akulhokiqhi do küha nani.”

Piyeküsü 14:9

Kungumi aküthüu no asütsa kuloghi lakhi lono ishi pi: “Khuala no tüghashi eno tipau julho mülá eno panongu kishe momu panongu u lo tüghashi michipu xapuve aghí aye,

Piyeküsü 15:2

Eno I no ju akelo ahiju züghi toi keu lakhi lo ami yebide akeu toi ithulu, eno azüghi tipau phivilo khunoqo no tüghashi eno tipau julho eno pa je kikihi shou toluve keno tipaqo no puthugho ae. Panongu ye Alhou no aheo tsü keqo pesü ae

Piyeküsü 16:13

Tisheno I no mithekumo ghungu küthü achuyí kimihi shikeu ithulu; tipaqo ye tüghaküsa ngò tüghashi eno kichileu tungkupumi kichí lono ipeghi.

Piyeküsü 16:2

Kungumi atüghiu no wu püzü pa bohu pesü ayeghi shou lepuku, eno tüghashi kikihi michi pua kemiqo ngò tüghashi julho mülá ache kemiqo shou anikupu piyí juküsapu shi ipeghie.

Piyeküsü 18:23

Akulu küvü hu ye O lolo khilemu vüipeghi kithemove nani. Külapuu ngò külaliu sütsa hu ye O lau no khilemu chilu kithemove nani. Ow alhikishimiqo ye ayeghiqha lo ighono akhotomi shi acheke. Nono saqhi-sali kichileu shikeu vechewo shiyeqo kümtsü pishiqhi khave ke.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.