Piyeküsü 12:9 - Sümi Tiqhelimi Bible

⁹ Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

BAIBEL (BSI)

⁹ Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Sumi Naga CL (Re-edited) Bible (BSI)

⁹ Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 12:9 Mawu Ofanana

MATTHEW 13:39

eno aghümi khuu no alupiqo xusü keno tiye tüghami ke. Ghile ye ashekha ghuloki ke, eno ghile hu kemiqo ye kungumiqo ke.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

MATTHEW 4:1

Tipathiu Alhou Ghungu no Jisü sasü küghünamokeu-a lo tüghami pelo ghuju penike pa sasü wuve.

MATTHEW 4:10

Jisü no pa vilo pi, “I lau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthu lo.’”

MATTHEW 4:5

Tithiu tüghami hu no akimthe mishighüna lo Jisü sawu no pa pelo achineki kütsüqa lo puthugho pe.

MATTHEW 4:8

Itaghi, tüghami hu no Jisü sasü ighono chuqumghai keu naghuto lakhi lo saiku no ayeghi lo kükaphuqo qhivütsüni akeu kümtsü pa pìye.

Luke 10:18

Pa no khochile, “Tsütsüpha toi atsütsǘ lono Satan ikiqi keu I no ithulue.

Luke 13:16

Tishiaye totimi hipau, Abraham ngá lakhi, khuu Satan no ampe chighitache tshüpe püakeu, Sabbath tsalà lono li tshüpe akeu lono kuqhophevemoni keshea?”

Luke 22:3

Ikelo Satan no Chighikini dolo lakhi Judas Iscariot ipi chekeu lolo ilove.

Luke 22:31

“Simon, Simon, Satan no amuu fuleve ketoi nongu kümtsü peju nike khuluvae.

Luke 8:12

Apitì alà lo ikiqive keqo ye chiluve kemiqo, ikemu tüghami no ighino panongu mlo lono atsa ikhisüwuve tsüke miqo, tiye panongu pelo pülü eno xalu pemo niye ke.

John 12:31

Itehi ye ayeghiqha shou küghatha nikeu do shivae; eno itehi ye hipau yeghiqha kükapuu hapheve nani.

John 14:30

Niye nongu vilo kutomo pimae, kughengu ayeghi hipauu kükapuu cheni ke. Pa ye I shou aküka kiumu kühae,

John 16:11

eno küghakütha ghili kimchitsü nani, kughengu itehi ye ayeghi hipauu kükapuu kiléqhive ake.

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Apostolmi 5:3

Ikelo Peter no pi, “Ananias, no ye kíshi püzü Satan pelo O mlo lo ilove pe no Aghungu Kimthe pishiqhi ghi nono alu jelu keu lono pisa hami ikhithape O sala qhiluve kea?

Rommi 16:18

Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

Rommi 16:20

Alokughuno tsü chekeu Lhou no kighithe Satan nedaqhive no nongu pukhu qholo qhivetsü nani. Ampeu Jisü’w küpükini nongu gholo apeniu.

2 Kor. 11:14

Ikemu akümza akepu kühae, kughengu Satan ampi no vüqai keu kungumi lakhi ke ipi peniye müqümügha shike.

2 Kor. 11:3

Ikemu apighi no muqüijo Eve pishiqhive ketoi nongu kükümsüqo ghí amikucho eno akimthe lono Khristo lau pulopiniyi akeu lau no saküghüzüve tsü kenosaye ni ye msà ani.

2 Kor. 12:7

Piyeküsü hipaqo akümza kepu shi I pìye keu pesü I no qhezauve nosa kehu I ghimeqhi penike ghenguno I phi-ashi lo aküsüpu lakhi süpüa tsü ani, tiye Satan ghinimi lakhi ke.

2 Kor. 2:11

Tishi keu hu ye Satan pelo ningu pishiqhive pemo niye ke. Kughengu ningu ye pa müqü jeliqo mtha ke kumoe.

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

2 Thes. 2:3

Khuu pelomu kiu laghi lonomu nongu pishiqhive pe kevilo, kughengu hekibide ipeghimo ke kutólo eno aye kümthau, khuu ashekha tsalà lo kütsakungove nani keno, pa pephe-piyemo ke kutólo Ampeu tsalà ye ighimo nani.

1 Tim. 2:14

Eno Adam pishiqhive ke kumoe; totimi hu pishiqhive ke eno axinemi lakhi shive ke.

2 Tim. 3:13

eno küsaküghami ngò timi ghili kishimiqo ye alomo keu lono alomokitheuve nani, eno kütami pishiqhive keu likhi kumo no pano likhi pano pishiqhive nani.

IBRIMI 2:14

Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

Jude 1:9

Ikemu kungumi gholo atou Michael kutólo kughou pa no Moses sükumo ghenguno tüghami sasü kütsala akeno, pa ye tüghami no pipütha ke ghenguno pa likhi pa kiléqhi nikeu akumto shimoe ikemu, “Ampeu no O lomipi nani!” ipi ke.

Piyeküsü 12:12

Tighenguno kungugha eno nongu tile akemiqo alovishelo! Ikemu ayeghi eno azüghi ghengu ye ahasapue, kughengu tüghami hu ye nongu lau iqivae! Pa ye amlokighide no chhitoi ani kughengu pa do ye ikhonhei likhiva kepi pa no ithi anike.”

Piyeküsü 12:3

Ikelo kungugha lo amichipu kütau lakhi ipeghi: huchuhuyi keu tüghaküsa kijè lakhi akütsü tsünì eno akibò chighí eno akütsükuqho tsünì hu no pa kütsüqo lo ae.

Piyeküsü 12:7

Ikelo kungugha lo aghükishi ipeghive. Kungumi atou Michael eno paw kungumiqo no tüghaküsa sasü aghüshi, eno tüghaküsa ngò paw kungumiqo ghí mujochile ke.

Piyeküsü 12:8

Ikemu tüghaküsa hu ye aghükishi tomove, eno kungugha lono panongu hapheve.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 16:14

Tüghaküsa ghungu tipaqo ye amichipu kümlà shi chekeqo ke, eno panongu ye ayeghiqha kümtsü lo kükamiqo lau wu no Alhou Akughushuu tsalà kijè lo aghükishi ghenguno panongu hekütsü niye wuche ke.

Piyeküsü 18:2

Asütsa kuloghi lakhi lono pa no ishi igha: “ ‘Babylon ajekipiu ye ikiqivae! Ikiqivae!’ Li ye tüghamiqo ghenguno akùngó-a lakhi shivae eno mithekumo ghungu kümtsü, mithekumo ghau kümtsü, mithekumo eno junishimo keu lhoxü kümtsü küghütshü-a lakhi shivae.

Piyeküsü 18:23

Akulu küvü hu ye O lolo khilemu vüipeghi kithemove nani. Külapuu ngò külaliu sütsa hu ye O lau no khilemu chilu kithemove nani. Ow alhikishimiqo ye ayeghiqha lo ighono akhotomi shi acheke. Nono saqhi-sali kichileu shikeu vechewo shiyeqo kümtsü pishiqhi khave ke.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 2:24

Thyatira lo nongu khunoqo no li kükütsü pape chemo eno Satan’w tuqho-tugho mtha aphi keno, I nongu kümtsü vilo hi piani, ‘Ni ye nongu shou amakho kütau kiumu bemo nani,

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

Piyeküsü 20:8

no ayeghi cheku bidí lo shiyeqo—tiye Gog ngò Magog shiyeqo—pishiqhi no aghüshini ke ghenguno panongu hekütsü niye wu nani. Panongu kikihi ye azüghi mükü lo asàye toi ke.

Piyeküsü 3:9

Khunoqo no Satan’w synagogmi keno eno khunoqo no panongu ye Jewmi kumomu Jewmi ipi pükha cheni püzü akimikimi keno, I no panongu pelo ighino O pukhu phivilo qhoqhünhe pe no ni ye O kimiye cheni kepi ithi pe nani.

Piyeküsü 9:1

Kungumi apunguu no pa fuko küigha kelo atsütsǘ lono ayepu lakhi ayeghi lo ikiqighi keu I no ithulu. Aqokutho lo ilo chekeu khaqhiyi pesü ayepu hu tsüe.

Piyeküsü 9:20

Püsa hipaqo no pithímove keu timi thaqhü ye panongu u no mülà keu kümlà ghenguno xaidemo ke; panongu ye tüghami mülá nikeu, eno ameshoyi, ghükayi, alazayi, atu eno asǜ no mülà keu ajulho lhou mülá tamo ke. Ajulho lhou hipaqo ye ithulu chemo momu alà chelu chemo ke.