Piyeküsü 12:7 - Sümi Tiqhelimi Bible

⁷ Ikelo kungugha lo aghükishi ipeghive. Kungumi atou Michael eno paw kungumiqo no tüghaküsa sasü aghüshi, eno tüghaküsa ngò paw kungumiqo ghí mujochile ke.

BAIBEL (BSI)

⁷ Ikelauye kungughalo aghukishi ipeghive. Mikhail ngo pawu kungumiqono Dragon sasu aghushi, eno Dragon ngo pawu kungumino mujochile ae.

Sumi Naga CL (Re-edited) Bible (BSI)

⁷ Ikelo kungugha lo aghükishi ipeghive, Michael ngo paw kungumiqo no dragon sasü küpüghü. Dragon ghi paw kungumiqo sasü mjochile,

Piyeküsü 12:7 Mawu Ofanana

MATTHEW 13:41

Timi Nu no paw kungumiqo puwu nani, eno panongu no paw kükaphu lono alupi nhüve nani eno titoi axiné lo ilove pe chekeu jeli eno khunoqo no küsakügha shi cheni keno kümtsü nhüve nani.

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 24:31

Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

MATTHEW 26:53

I no I pù vilo khu aye pa ye kungumi aqokitikhi chighikini nguno alaumu paikhavi lono I tsü puwuluve nani kepi nongu ye mtha keshea?

2 Kor. 12:7

Piyeküsü hipaqo akümza kepu shi I pìye keu pesü I no qhezauve nosa kehu I ghimeqhi penike ghenguno I phi-ashi lo aküsüpu lakhi süpüa tsü ani, tiye Satan ghinimi lakhi ke.

Ephesiami 6:12

Kughengu ningu ye timi sasü küpüghǘ anike kumoe, ikemu ayekipemi, kükagha pe akemi, àküzǘ yeghiqha hipau ayekipemi eno kungugha kükaqha yekipe lo küsakügha ghawu kükaqo sasü küpüghǘ anike.

2 Thes. 1:7

eno nongu ghimeqhi akemi lau no nongu likhi kumo no ningu ghí ghulu tsü nani. Hiye kughou kungugha lono vüqalei keu ami eno Ampeu’w kungumiqo kumto gholo no Ampeu Jisü pephe-piye nike no tipau tsalà lono shi nani.

IBRIMI 2:10

Alhou khuu ghenguno eno khuu vechewo thowkha kümtsü acheghi keno pa no anu eno angáqo kutomo ajuküvü lo süghi nike ghenguno Jisü ghime vechewo panonguw amsüu kupukülai keu xakulu süghitsü keu ye achipi ke.

2 Peter 2:4

Kughengu kughou kungumiqo no axiné shive keno Alhou ye panongu kipimí qhitsümo no amiyizü lo sǘve eno küghathabe nike ghenguno àküzǘ yikichhe pesü panongu tshüpe qhive cheni aye;

Jude 1:9

Ikemu kungumi gholo atou Michael kutólo kughou pa no Moses sükumo ghenguno tüghami sasü kütsala akeno, pa ye tüghami no pipütha ke ghenguno pa likhi pa kiléqhi nikeu akumto shimoe ikemu, “Ampeu no O lomipi nani!” ipi ke.

Piyeküsü 12:8

Ikemu tüghaküsa hu ye aghükishi tomove, eno kungugha lono panongu hapheve.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 13:7

Alhou’w akimthemiqo sasü aghüshi no panongu shou toluve pe nikeu küká pesü tüghashi hu tsüpüa. Eno ashiaye jeli, timi jeli, atsa jeli piche kemiqo, eno shiye jeli kümtsü shou aye pelu pe nikeu kükagha pa tsüpüa.

Piyeküsü 20:2

Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.