MATTHEW 6:20 - Sümi Tiqhelimi Bible

²⁰ Ikemu nongu likhi nongu sala kungugha lo akiní pekütsü lo, tilehi ye amila ngò ayisa no tsapühave müla, eno küpkami no hepho ilo püka müla nani ke.

BAIBEL (BSI)

²⁰ Ikemu kungughalo nongu kini pekikelo, kughengu tileye apila ngo ayisano tsapuhave mlae eno kupkamino hephopiniyi ilo pukapuwuve mlae.

Sumi Naga CL (Re-edited) Bible (BSI)

²⁰ ikemu nongu ghenguno khile apila ngo ayisa no shipüsalu chemo eno küpkami no hepho ilo xülemla keno, kungugha lo nongu kini pekütsü lo.

MATTHEW 6:20 Mawu Ofanana

MATTHEW 19:21

Jisü no khochile, “Nono kupukülai shinishi aye, wolo eno O mheghi kümtsü jeve no pesü kumlhomiqo tsüvelo, eno no ye kungugha lo akiní ania ke. Tisheno ighi püzü I papelo.”

MATTHEW 6:19

“Nongu likhi nongu sala ayeghi lo akiní pekütsü kevilo, kughengu tiye amila ngò ayisa no tsapühave eno küpükamiqo no hepho ilo püka pewuve cheni.

Mark 10:21

Jisü no pa ju no ighono pa kimiyeve, eno ishi pi, “No ye thime lakhi kupu mphie, wolo eno O mheghi kümtsü jeve no kumlhomiqo tsüvelo, eno no ye kungugha lo O kinikhuki lo akiní ania ke. Tisheno ighi püzü I papelo.”

Luke 12:33

Nonguw küakiniqo jeve lo eno kumlhomiqo tsülo. Nongu ghenguno pisabo pepüha müla keu kutolu lo, kungugha lo akiníbo ye khilemu kühavemo nani, tile ye küpkami mu aphivilo ighi müla eno amilamu chupüha müla nani ke.

Luke 18:22

Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”

1 Tim. 6:17

Ayeghi hipau lo khunoqo no kinikülü shi ani keno panongu vilo akuchhoma shimo nikeu momu akiní khikhi pükhübelu chemo keno tipau shou panonguw lajupu qhimo no Alhou khuu no ningu lokiqipu ghenguno kinikulu shi ningu tsü cheni keno pa shou lajupu qhi penike azah tsülo.

1 Tim. 6:19

Hitoi shikeu lono panongu no pano sala kungu lo akinikhuki pekütsü pesü püalu nani eno tipau no ighi nikeu tiqheli ghenguno aboqha kumto shilu nani, tishianguno panongu pelo khipau no kuchou küxü keno tipau küxü tsüqüluve peniye ke.

IBRIMI 10:34

Nongu ye akughuki lo akemiqo gholo imeküqha ke eno nonguw tinhemüghaqo ikhiluve tsü kelo alokivishi ke, kughengu nongu ye nolikhi no ghenguno tinguno amheghi akiviu eno pepushu nikeu ani kepi ithi ake.

IBRIMI 11:26

Khristo je ghenguno timi no pa peithapüsa keu lo Egypt yeghi lo akinikhuki kümtsü nguno amekushou kepi kihiluve, kughengu pa ye paw qesaxu huqhe ake.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

1 Peter 1:4

eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.