MATTHEW 27:66 - Sümi Tiqhelimi Bible

⁶⁶ Ike panongu no wu püzü atu mekha chekeu pesü akumoki mekhave eno ghükhemiqo pelo akivishi kheluvepe.

BAIBEL (BSI)

⁶⁶ Ike panonguno wuno atupha shou amchishi mekhave eno aghukhemi pelo ti khepe nike kishekulu shipe qhive.

Sumi Naga CL (Re-edited) Bible (BSI)

⁶⁶ Ikehu panongu no wuno atupha shou amchipu shive eno aghukheu pesü tile qhive.

MATTHEW 27:66 Mawu Ofanana

MATTHEW 27:60

eno tipau pesü pa no atu chhupho no akumoki akithé shi mülàpüa keu lo sǘve. Pa no atu kijè tukulo pewo akumoki hukikha khave eno wuve.

MATTHEW 27:65

Pilate no panongu vilo pi, “Ghükhemiqo sawu lo, eno kíshi asükumo akivishi kheluve moayesa keno nongu no ithi ake toi tishive lo.”

MATTHEW 28:11

Totimi pama no alà lo che kelo, ghükhemiqo khami no mishighüna lo ilo no achinetomiqo vilo kiu shive keno kümtsü lhepe pivetsü.

MATTHEW 28:2

Tilehi ayeghi küghütha kijè lakhi ighie, kughengu Ampeu’w kungumi no kungugha lono iqighi, eno akumoki lo wu no atuqu tukulove tsü püzü tipau shou iqa ae.

Mark 16:4

Ikemu kughou pano küthü no pishipuwo ju keno, atu ighono kijè akeu hu ye, tukulove aghí keu ithulu.

John 20:1

Apinedo tsalà atüghiu inaqhe zümoi aphi lo Mary Magdalene ye akumoki lo wu kelo ye ahukikha lo atuqu akeu hu tukulove aghí keu ithulu.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

Piyeküsü 20:3

Kungumi hu no aqokutho lo tüghaküsa vesüve eno ampe qhethonhe kishekhamo ke kutólo tüghaküsa pelo shiyeqo pishiqhipemo niye pa khathave no mekhave. Tipathiu tüghaküsa ye ado ikhonhei ghenguno ghuthu lakhi khaqhiphe moayesa nani.