MATTHEW 25:35 - Sümi Tiqhelimi Bible

³⁵ Kughengu I no müzüthi akelo nono chu kepu hami I tsüke, I no tüghüthi akelo nono shokepu hami I tsüke, I no inami shiche kelo nono I sasǘ tsüke.

BAIBEL (BSI)

³⁵ Kughengu ino muzuthi akelo nonguno achuqupu itsu; ino tughuthi akelo nonguno yekepu itsu; ino inami lakhi shi akelo nongu kilo isasu;

Sumi Naga CL (Re-edited) Bible (BSI)

³⁵ Kughengu I no müzüthi akelo nongu no achuqupu I tsü, I no tüghüthi akelo nongu no yekepu I tsü, I no inami shi akelo nongu kilo I sasü,

MATTHEW 25:35 Mawu Ofanana

MATTHEW 25:40

“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

MATTHEW 26:11

Athokhami ye alhokuthu nongu gholo ache nani, ikemu ni ye alhokuthu nongu gholo aní keu kumoe.

Mark 14:7

Athokhami ye alhokuthu nongu gholo ache nani, eno nongu ye kugho-kughomu nongu no pulo aye panoqo kuphulu nani. Ikemu ni ye alhokuthu nongu gholo aní keu kumoe.

Luke 11:41

Ikemu nongu khu-ajikhu lo kiu ani keno kumlhomi lau tsükinimi shilo, eno O ghenguno thowkha mitheluve nanie.

John 13:29

Kughengu Judas no pisa jukütsü che kehu, khami no kümsü keu no Jisü ye pa vilo tiqhitini lo kiu avehupu shi nani momu kiuala pesü kumlhomiqo tsü nike qhü lo piani küghashive ke.

Apostolmi 10:31

püzü ishi pi, ‘Cornelius, Alhou no O kighini chiluvetsüa eno nono aghòqo pesü kumlhomi kuphu chekeu hu Alhou no kümsüluve tsüae.

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Apostolmi 16:15

Kughou li no akibolomiqo sasü baptiz shiluve keno, li ki lo ningu kusüe. Li no pi, “Nongu no ni ye Ampeu lono küpülümi lakhi ipi ikhilu tsü aghí aye I ki lo ighino ngo lo.” Eno li no puloniqhiyi ningu sasüe.

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

Rommi 12:13

Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.

Rommi 12:20

Ike amkhü luni ke züqhulo: “Tsalá O ghümi no müzüthi aghí aye, pa lojí lo; tsalá pa no tüghüthi aghí aye, ye kepu kiula pesü pa tsülo. Hipau shikeu vechewo no ye ami kuchughei hipesü pa kütsü shou lepuku tsü anike.”

Rommi 16:23

Hilau, ni eno akukuhomi kümtsü lopiqitsü ghi sasǘ tsü akeu Gaius no paw petha nongu tsüpuwu ani. Erastus, khuu mishighüna lo mìshí kümlamìqow mijekütsüu keno, eno ningu thiküzüu Quartus pama no petha nongu tsü ani.

Ephesiami 4:28

Khuu no püka cheni keno pükamove moayesa, eno tishini ke züqhulo akümlà shi moayesa, pano likhi pano u peitha no kiuala akivipu kümlà shi moayesa, tishianguno panongu pelo khunoqo aveküsa shi ani keno tipaqo lau kiuala aghí keu pesü küsajelu kepu shilu pelo.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

Philemon 1:7

Ow kikimiye no alokiqi kijè I tsü eno I shikumto luvae, kughengu athiküzüu, nono Ampeu’w timiqo mlo ghüthipüxüve tsü ake.

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

James 1:27

Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.