MATTHEW 25:10 - Sümi Tiqhelimi Bible

¹⁰ “Ikemu kughou panongu no thazü qhü niye alà lo wuche keno, külapuu ighive. Ilimi kutò pe khe akemiqo ye külapuu gholo no külakupu ghulhu lo ilove. Eno ahukikha khathasüluve.

BAIBEL (BSI)

¹⁰ Ikehu panonguno amizu qhuwuniye wuve kelono kulapuu hu ighive. Ilimi pungu khunoqono kutope akeno panonguye pa sasu kulakupu ghulhulo ilove eno ahukikhaye khave.

Sumi Naga CL (Re-edited) Bible (BSI)

¹⁰ Panongu no qhü wuve kelono külapuu ighive. Ilimi pungu kutope akeqo ye pa sasü külakupu ghulhu lo ilove eno ahukikha khave.

MATTHEW 25:10 Mawu Ofanana

MATTHEW 24:42

“Kiu tsalà lono nongu Mpeu ighi nani keno nongu ye mtha ke ghenguno jukuto alo.

MATTHEW 24:43

Ikemu hi vethalulo: Tsalá aki mpeu no putho lo kiu tüqhüdo lono küpkami ighi nani keno ithi aghí ke aye, pa ye jukuto anani eno pa ki hephosü iloghi pemo nani ke.

MATTHEW 24:44

Tighenguno nongu ghí kutokughoi pe amasa, kughengu Timi Nu ye nongu no huqhemo keu tüqhüdo lono ighi nani ke.

MATTHEW 25:6

“Zübumta lo asütsa igha ipeghi: ‘Külapuu hi cheae! Khalau ipeghino pa sasü kusho lo!’

MATTHEW 7:21

“I vilo, ‘Ampeu, Ampeu,’ ipi kemi kümtsü kungugha kükaphu lo ilomo nani, ikemu khuu no I pù kungugha lo akeu pulou shi cheni keno tipaqo likhi no ilolu nani.

Luke 12:35

“Nongu chighichhe khapulu lo eno nongu kulu küqü pe qhipüa lo,

Luke 13:25

Kughou aki mpeu no ithu püzü ahukikha khave keno, nongu ye khalau puthugho no ahukikha kukhu ghi, ‘Akijeu, ningu ghenguno ahukikha khaqhi tsülo,’ ipi qhüiniju nani. “Ikemu pa no, ‘Nongu ye khuu momu khile no ighi ani keno ni ye mthae,’ ipi khochile nani.

Kolosiami 1:12

eno Apù khuu no nongu pelo aküvü kükaphu lo paw akimthe timiqo gholo amheghi küsajelu penike nongu pelo aküzüpu shilu pe keno alokiqi shikimthi pesü pa tsü ani.

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 19:7

Ningu alovisheni eno alovini eno ajuküvü pa tsüní nolo! Kughengu Ambeti’w külakupu ye ighivae, eno paw külaliu ye kutò pe ngovae.

Piyeküsü 22:20

Khuu no thime hipaqo kümtsü shepe shi ani keno pa no ishi piani, “Julo, ni ye itheno chenie.” Amen. Ighilo, Ampeu Jisü.