MATTHEW 19:16 - Sümi Tiqhelimi Bible

¹⁶ Timi lakhi Jisü lau ighino pa vilo iniju, “Akükütsüu, lhokta küxü ithulu nike ghenguno ni ye akivipu thime kiu shi moayesa kea?”

BAIBEL (BSI)

¹⁶ Timi lakhi Jisu lau ighieno ishipi, “Kutsuchekeu, lhokta kuxu ithulu nike ghenguno niye akivipu kiu shimasakya?”

Sumi Naga CL (Re-edited) Bible (BSI)

¹⁶ Timi lakhi no Jisü lau ighi no pi, “Shikükau, lhokta küxü ithulu nike ni ye akivi kiu mla masa kea?”

MATTHEW 19:16 Mawu Ofanana

MATTHEW 19:15

Kughou pa no panongu shou au bevetsü keno, tithiu pa ye tile no wuve.

MATTHEW 19:26

Jisü no panongu ju no ishi pi, “Timi ghenguno hiye kushokütsüpu ke, ikemu Alhou ghengu ye thowkha shikulupu anie.”

MATTHEW 19:29

Eno I je ghenguno aki-alu, athiküzümi momu achelimi, apù momu azá, anipu momu anuliqo qhive kemi kümtsü ghuthu aqhe no küghüsü ithulu nani eno lhokta küxü ighílu nani.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 12:25

Khukhumu pano küxü kimiye keu ye pühave nani, ikemu khukhumu ayeghi hipau lo pano küxü mithive aye lhokta küxü ananie.

John 3:15

tishianguno pa pülülu kemi kümtsü lhokta küxü ithulu peniye ke.”

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 5:39

Nongu no azükini shi Kuchoyesüqo phi cheni kughengu nongu no tilehi no lhokta küxü ani pi kümsü cheni ke. Kuchoyesü hipaqo no I shepe shitsü ani,

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

Apostolmi 16:30

Tisheno pa no pama khalau sasü ipeghino iniju, “Akijeu nokujo, ni ye xaluve nike ghenguno kiu shi moayesa kea?”

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

1 Tim. 1:16

Ikemu hi ghenguno I lau kimiyekini pìye ke, tishi keu vechewo I no kiche-kipiye lakhi shi no Khristo Jisü pelo axinemiqo kümtsü nguno alhoküsau lau paw kutuukulu ighono kijè pephe-piye niye ke. Tisheno kütami ghí pa shou pülü no lhokta küxü ithulu nani.

1 Tim. 6:12

Aküpülü ghüshi akivishi shilo. Thopimi kutomo gizü lono nono akivi piphe keu vechewo khikhi Alhou no lhokta küxü lo O kulù keno tipau tsüqülulo.

1 Tim. 6:19

Hitoi shikeu lono panongu no pano sala kungu lo akinikhuki pekütsü pesü püalu nani eno tipau no ighi nikeu tiqheli ghenguno aboqha kumto shilu nani, tishianguno panongu pelo khipau no kuchou küxü keno tipau küxü tsüqüluve peniye ke.

Titus 1:2

lhokta küxü lo lajupu akeu, khikhi mikí chemo keu Lhou no mulho ghuloki lono piqhipüa keno,

Titus 3:7

tishianguno, paw küpükini vechewo ningu pelo achipikaluve pe no lajupu akeu gholo no lhokta küxü mheghi ighílu kemi shilu peniye ke.

1 John 1:2

Aküxü hu ipeghi ke; eno ningu no tipau ithuluve no thopi shi cheni, eno ningu no nongu lau lhokta küxü hu asheshu acheni, tiye Apù gholo ache no ningu lau ipeghi keu ke.

1 John 2:25

Eno pa no ningu lau piqhipüa keu ye hike—tiye lhokta küxü ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Jude 1:21

eno nongu no ningu Mpeu Jisü Khristo no nongu lau lhokta küxü süghi niye akeu huqhe ake dolo nongu likhi nongu pesü Alhou’w kimiyekini qholo qhilo.