MATTHEW 14:19 - Sümi Tiqhelimi Bible

¹⁹ Eno pa no timiqo pelo atsüni shou iqave penike kichetsü. Ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno pa no akhopemiqo tsü eno akhopemiqo no tipaqo pesü timiqo kijé tsü.

BAIBEL (BSI)

¹⁹ Tileno timiqo vilo atsuni shou iqalopi pano azah atsu. Ashopa pungu eno akha kini pano ikhipesu atsutsulo jupuku eno Alhou shikimthi. Tithiu pano asho supho puzu tipaqo pesu pano pa khopemiqo tsu eno akhopemino tipaqo pesu timiqo kijetsu.

Sumi Naga CL (Re-edited) Bible (BSI)

¹⁹ Tileno timiqo vilo atsüni shou iqalo pi pa no azah tsüve. Ashopa pungu eno akha kini ikhipe pa no atsütsü lo jupuku no Alhou shikimthi tsü. Tishino pa no asho süphope pa khopemi tsüno akhopemi no tipaqo pesü timiqo kijetsü.

MATTHEW 14:19 Mawu Ofanana

MATTHEW 14:18

Pa no pi, “Tipaqo I lau pesü ighilo.”

Mark 6:39

Tipathiu timi kümtsü amqo-amqo shi atsüni huzüi keu shou iqave penike Jisü no akhopemiqo kichetsü.

Mark 6:41

Jisü no ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno timiqo kijé tsü penike pa no pa khopemiqo tsü. Jisü no akha kini ghí kijé pesü panoqo kümtsü tsüe.

Mark 7:34

Pa no atsütsǘ lo jupuku no atuthu kijè shè ghi timi tipau vilo ishi pi, “Ephphatha!” (hipau kiqi ye “Khaqhivelo!”).

Luke 22:17

Tisheno Jisü no ajikhu ikhilu no shikimthi tsü ghi pi: “Hi ikhilu no nongu dolo kijélu lo.

Luke 22:19

Tisheno, pa no asho ikhilu no shikimthi tsü püzü süpho pe panongu tsü ghi pi, “Hiye I phimpi nongu ghenguno tsüve keu ke. I kümsüchilelu ghi hi shichelo.”

Luke 24:30

Kughou pama gholo alibe chu niye iqa keno Jisü no asho ikhilu eno shikimthi Alhou tsü no asho süpho püzü pesü pama tsüe.

Luke 9:14

(Tilehi kipitimi 5,000 qhalo ake.) Ikemu Jisü no pa khopemiqo vilo pi, “Amqo lakhi-khi lo timi lhopungu toi keu shi no iqave pelo.”

Luke 9:16

Jisü no Ashopa pungu eno akha kini ikhiluve no atsütsǘ lo jupuku püzü shikimthi tsü no asho süpho. Tisheno timiqo kijé tsü penike akhopemiqo tsü.

John 11:41

Ikehu panongu no atuqu ikhive. Tisheno Jisü no pishipuku ju no pi, “Apùo, nono I kighini chilutsü keu ghenguno O shikimthi.

John 6:23

Ampeu no shikimthi keu tsü püzü timiqo no asho chuve keu-a phivilo Tiberias lono ashukaqo hami ighi.

Apostolmi 27:35

Pa no hi pive kethiu, asho hami ikhilu eno panongu kümtsü gizü lono pa no Alhou shikimthi tsü. Tisheno pa no asho süpho no chu thuve.

Rommi 14:6

Khuno no atsala hami ye akimchi kepi ikhilu cheni keno panongu ye Ampeu gihu ghi ikhilu cheni. Ashi chu chekemi ghí Ampeu gihu ghi chu cheni, kughengu panongu no Alhou shikimthi tsü cheni; eno ashi chu chemo kemi ghí Ampeu gihu ghi ashi le cheni, kughengu panongu ghí Alhou shikimthi tsü cheni.

1 Kor. 10:16

Ningu no Ampeu ghulhu lo kükümgha jikhu khikhi Alhou shikimthi ghi peitha cheni keno tiye Khristo jì gholo küsaje anike kumo keshea? Eno ningu no asho süpho chekeu ye Khristo phimpi gholo küsaje anike kumo keshea?

1 Kor. 10:31

Ike nongu no chuna shona momu kiu-kiu shi namu, kümtsü Alhou juküvüpu ghenguno shilo.

1 Kor. 11:24

eno kughou pa no Alhou shikimthi tsüve keno, tipau süpho no ishi pi, “Hiye I phimpi, nongu ghenguno tsüve keu ke; I kümsüchilelu ghi hi shichelo.”

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.