MATTHEW 13:15 - Sümi Tiqhelimi Bible

¹⁵ Kughengu timi hipaqo mlo ye mükamüghaivea ke; panongu kìní ye ini kushughivae, eno panongu ye pano nhethi miyiluvae. Tishimo ke aye panongu nhethi no ithuluni cheke, panongu kìní no chiluni cheke, panongu mlo lono vethaluni cheke eno xaideghi aye, I no panoqo shipivi tsüní cheke.’

BAIBEL (BSI)

¹⁵ Kughengu timi hipaqo mloye tekhoimoke: Panongu kiniye ini kushughivae, Tikumokenapiaye, panongu nhethino michiluve niche, Panongu kinino chilu niche, Panongu mlono ithikuthu nicheke, eno panongu shipivi peniye ilau tsughu ighi nicheke.’

Sumi Naga CL (Re-edited) Bible (BSI)

¹⁵ Kughengu timi hipaqo mlo ye kiumu shikalu moae, pano kini ye ini kushughivae, pano nhethi ye miyi luvae, tikumo aye pano nhethi no ithulu, pano kini no chilu, eno pano mlo no ithikuthulu no tsüghü ighi kelo I no panoqo shipivilu nosa kehue.”

MATTHEW 13:15 Mawu Ofanana

Mark 4:12

tishianguno, “ ‘Panongu ye juanamu khilemu vethamla nani, eno chilu anamu khilemu vethamla nani; tishimo aye, panongu ye xaideghi püzü akipimí qhivetsü luvi ke!’”

Luke 19:42

püzü ishi pi, “Tsalá nongu no hipau tsalà lono kiu no aloino keu nongu lau süghilu nani keno ithi aghí ke aye. Ikemu itehi ye hipau nongu nhethi lono küsüve tsüae.

Apostolmi 28:27

Kughengu timi hipaqo mlo ye mükamüghaivae; panongu ye panongu kìní lono akushukulu chilu cheni, eno panongu ye panongu nhethi miyiluvae. Tishimo aye panongu nhethi no ithuluni che, panongu kìní no chiluni che, panongu mlo lono vethalu no xaideni che, eno I no panongu shipivi tsüní cheke.’

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

Apostolmi 7:57

Hipau chilu kelo panongu no panoqo kìní kujukhaluve no asütsa kuloghi lono igha ghi Stephen küdau kuhasü ighi,

2 Tim. 4:4

Panongu ye kuchou lau no panongu kìní kughove no küghakiche tsa küdau kughosü wuve nani.

IBRIMI 5:11

Ningu ye hipau vehu lo kutomo pi kepu ani, ikemu nongu pelo mütsümishei ithilu pe nikeu ye kushokütsü ke, kughengu nongu no vethalu nikeu lo pükapütsa keu shimovea ke.

Piyeküsü 22:2

Akimthe Mishighünaw alaghila kijè mtá lo qowu ae. Aghoki hukukuu eno hikukuu küma lo aküxüpu süboqo ae, eno aküxüpu süboqo lo axathi ghuthu chighikini pithí ae, tiye aqhi lo ghuthu lakhi-khi pithí ake. Eno aküxüpu sübo nipaqo hu ye shiyeqo shipivi nikeu ghenguno ake.