MATTHEW 12:14 - Sümi Tiqhelimi Bible

¹⁴ Ikemu Phariseemiqo ye khalau ipeve eno kíshi no Jisü pìthíve nike no kuchughu thuve.

BAIBEL (BSI)

¹⁴ Ikemu Farisimiye ipeve puzu kishieno Jisu pithive nikeno kuchughu auve.

Sumi Naga CL (Re-edited) Bible (BSI)

¹⁴ Ikemu Phariseemi ye khalau ipeve no kishi pa kütsaveni keno küsüqe thuve.

MATTHEW 12:14 Mawu Ofanana

MATTHEW 26:4

eno panongu ye tuqhou no Jisü küghaluve püzü pìthíve niye kuchughuve.

MATTHEW 27:1

Inaqhe itheno, achinetomiqo gholo kichimiqo kümtsü kumqo no kíshi püzü Jisü pìthíve nike no aküpüghü jeli shiae.

Mark 14:1

Hechekulu ghulhu eno Kholaqhi sümo keu Sho Tiqhitini ikhiluni keu atsala kini likhi akelo achinetomi eno ayeza kükütsümiqo ye tuqhou no Jisü küghaluve no pìthíve niye kuchughu ae.

Mark 3:6

Ikelo Phariseemiqo ye khalau ipeve no Herod papemiqo sasü kíshi no Jisü pìthíve nike no kuchughu thuve.

Luke 22:2

eno achinetomi eno ayeza kükütsümiqo ye kíshi no Jisü pìthíveni keno alaghi hami phuju ae, kughengu panongu ye timiqo msà ake.

Luke 6:11

Ikemu Phariseemi ngò ayeza kükütsümiqo ye muqhumüzaive eno Jisü shou kiu shive moayesa keno panongu dolo küptsa thuve.

John 10:31

Itaghi Jewmi pa lachile chekemiqo no atu pesü pa veni ke ikhiqheluve,

John 10:39

Itaghi panongu no Jisü küghaluve niye pükapütsa, ikemu pa no panongu pelo pa tsüqüluve pemo no pokajoluve.

John 11:53

Ikehu atsala tipau thiu ye panongu ye Jisü küxü luve tsü niye kümüqü thuve.

John 11:57

Ikemu achinetomi eno Phariseemiqo ye Jisü küghaluve nike ghenguno khukhumu Jisü no ngo akeu-a phulu aye asütsa pìthitsü penike azah tsüve no ake.

John 5:18

Hipau vehu ghenguno Jisü pìthíve nikeu lo panongu ye alau pükapütsa auve. Kughengu pa ye Sabbath yeza hebide keu likhi kumo püzü pa ye Alhou vilo pa likhi Papù ipi ku keu vechewo pa pesü Alhou qhemi lo qhike.

John 7:30

Tishi akelo panongu no Jisü kügha niye shi, ikemu pa do ighimo no ake ghenguno timi lakhimu pa shou au bepukumoe.

John 7:32

Aqokitikhi no chhu-chhu shi Jisü ghili küptsa akeu Phariseemiqo no chiluve. Ikelo achinetomi eno Phariseemiqo no Jisü küghape niye achineki khemiqo puwuve.

John 7:44

Khami no Jisü kügha niye shi, ikemu khumu pa shou au bemove.

John 8:59

Hi pi kelo panoqo no atu pesü Jisü veqhi niye atu kichethuve, ikemu Jisü no achineki khala lono tsüghüsü wuve no pa likhi pa küghütshüluve.