Mark 6:41 - Sümi Tiqhelimi Bible

⁴¹ Jisü no ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno timiqo kijé tsü penike pa no pa khopemiqo tsü. Jisü no akha kini ghí kijé pesü panoqo kümtsü tsüe.

BAIBEL (BSI)

⁴¹ Tishieno Jisu no ashopa pungu akha kini ikhilu puzu atsutsulo jupukuno Alhou shikimthi tsu. Pano asho supho puzu tipaqo pesu timiqo lau kijetsu peniye pa khopemiqo tsu. Pano akha kini hu panoqo kumtsu kijetsuwope.

Sumi Naga CL (Re-edited) Bible (BSI)

⁴¹ Pa no ashopa pungu eno akha kini pesü kungugha lo juno shikimthi tsü püzü asho süphope timiqo kijetsü penike akhopemi tsü. Titoi pa no akha ghi kijepe panoqo tsü.

Mark 6:41 Mawu Ofanana

MATTHEW 14:19

Eno pa no timiqo pelo atsüni shou iqave penike kichetsü. Ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno pa no akhopemiqo tsü eno akhopemiqo no tipaqo pesü timiqo kijé tsü.

MATTHEW 15:36

Tisheno pa no ashopa tsünì eno akha ikhilu, eno kughou pa no Alhou shikimthive keno, pa no tipaqo süpho eno akhopemiqo tsü, eno akhopemiqo no timiqo kijé tsü.

MATTHEW 26:26

Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”

Mark 14:22

Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”

Mark 6:40

Ike timiqo no aqhe mqo eno lhopungu mqo shi no iqae.

Mark 6:42

Panongu kümtsü aghakiqi shi chuluve,

Mark 7:34

Pa no atsütsǘ lo jupuku no atuthu kijè shè ghi timi tipau vilo ishi pi, “Ephphatha!” (hipau kiqi ye “Khaqhivelo!”).

Mark 8:19

Kughou I no timi 5,000 ghenguno ashopa pungu süpho keno, nongu ye munomughoqo ashoghi chhitoi khijehi kichekütsülu kea?” Panongu no khochile, “Ashoghi chighikini.”

Luke 24:30

Kughou pama gholo alibe chu niye iqa keno Jisü no asho ikhilu eno shikimthi Alhou tsü no asho süpho püzü pesü pama tsüe.

Luke 9:16

Jisü no Ashopa pungu eno akha kini ikhiluve no atsütsǘ lo jupuku püzü shikimthi tsü no asho süpho. Tisheno timiqo kijé tsü penike akhopemiqo tsü.

John 11:41

Ikehu panongu no atuqu ikhive. Tisheno Jisü no pishipuku ju no pi, “Apùo, nono I kighini chilutsü keu ghenguno O shikimthi.

John 17:1

Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

John 6:11

Tisheno Jisü no asho ikhilu, shikimthi tsü, eno iqa akemiqo no chunishi ke thaqhü kijé tsü. Hitoi akha ghí kijé tsü.

John 6:23

Ampeu no shikimthi keu tsü püzü timiqo no asho chuve keu-a phivilo Tiberias lono ashukaqo hami ighi.

Apostolmi 27:35

Pa no hi pive kethiu, asho hami ikhilu eno panongu kümtsü gizü lono pa no Alhou shikimthi tsü. Tisheno pa no asho süpho no chu thuve.

Rommi 14:6

Khuno no atsala hami ye akimchi kepi ikhilu cheni keno panongu ye Ampeu gihu ghi ikhilu cheni. Ashi chu chekemi ghí Ampeu gihu ghi chu cheni, kughengu panongu no Alhou shikimthi tsü cheni; eno ashi chu chemo kemi ghí Ampeu gihu ghi ashi le cheni, kughengu panongu ghí Alhou shikimthi tsü cheni.

1 Kor. 10:31

Ike nongu no chuna shona momu kiu-kiu shi namu, kümtsü Alhou juküvüpu ghenguno shilo.

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.