Mark 4:20 - Sümi Tiqhelimi Bible

²⁰ Kütami khamiqo ye aghüma kivi lo apitì ilolu keu toi Alhou tsa chilu eno ikhilu no athi kupukuno shi pithí cheni—eno vesü keu lono hami no shighi, hami no lhotsügho eno hami no aqhe ishi küghüsü pithílu cheni.”

BAIBEL (BSI)

²⁰ Ikemu kutau hamiye ayeghi shicho kivi shou vesulukeu toi ke, panoqoye Atsa hu chilu puzu ti ikhiluno hamino alothi shighi, hamino lhotsugho eno hamino aqhe ishi pithilu.”

Sumi Naga CL (Re-edited) Bible (BSI)

²⁰ Ikemu timi khami ye ayeghi aloke lo iloluke toi atsape chilu püzü ti ikhilu no axathi hami no shighi, hami no lhotsügho eno aqhe piqi, pithi cheni.”

Mark 4:20 Mawu Ofanana

MATTHEW 13:23

Ikemu apitì aghüma kivi lo ikiqi ilo keu kiqi ye khunoqo no Alhou tsa chilu püzü ti vethalu keno tipau kiqi ke. Hipaqo no athi pithí tsü cheni, apitì vesü keu lo hami no aqhe no küghüsü, hami no lhotsügho no küghüsü eno hami no shighi no küghüsü ishi pithílu cheni.”

MATTHEW 13:8

Tishimu apitì hami ye aghüma kivi lo ikiqi ilolu, eno athi kutomo pithílu; apitì vesü keu lo hami no aqhe, hami no lhotsügho eno shighi ishi küghüsü ghi pithílu.

Mark 4:8

Tishimu apitì hami ye aghüma kivi lo ikiqi ilolu. Apitì tipaqo no thuwu ipeghi püzü athi kutomo pithílu, hami no shighi, hami no lhotsügho eno hami no aqhe ishi küghüsü pithílue.”

Luke 8:15

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 15:2

Pa no I lolo athi pithímo keu lokaqo kümtsü micheve cheni, eno aloka athi pithí akeqo kümtsü pelo alau kutomo pithílu penike ghenguno pa no kixiphe chenie.

Rommi 7:4

Ikehu, I thiküzümi eno I chelimiqo, nongu ghí Khristo phimpi vechewo ayeza küdau ye thivea ke, tishi keu vechewo nongu ye khuu akithí lono xüputhuvea keno pa laumi shilu peniye ke, tishianguno ningu pelo Alhou ghenguno athi pithílu peniye ke.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

1 Thes. 4:1

Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

2 Peter 1:8

Kughengu tsalá nongu no ameküa hipaqo kighishe ghi pighi aye, tipaqo no nongu no ni Mpeu Jisü Khristo ithi akeu kighithi pelo shekichile eno mülàphekulupu shimove nikeu lau no nongu putosü pe qhi nani.