Mark 4:15 - Sümi Tiqhelimi Bible

¹⁵ Timi khami ye alaphe lo apitì ikiqi iku keu toi Alhou tsa vesü ke. Ikemu panongu no Alhou tsa chiluve kemtsa, Satan no ighino Alhou tsa panongu lolo vesü püakeu ikhipe wuve cheni.

BAIBEL (BSI)

¹⁵ Alalo vepukuve keqoye khunoqo shou Atsa vesukeno panonguno ti chilu kemtsa Satan no ighieno panoqo lolo atsa vesupuakeu hu pewuvetsu.

Sumi Naga CL (Re-edited) Bible (BSI)

¹⁵ Ala lo Atsa ikiqi iloke toi kughou timi khami no atsape chiluni keno, Satan no paikhavi ighi püzü pano lolo xusü püakeu hu ikhipe wuve tsü cheni.

Mark 4:15 Mawu Ofanana

MATTHEW 13:19

Khukhumu akükaphu kükütsü sütsa ghili chilu no tipau vethalumove kelo, küsaküghau no ighino kiu amlo lo xusü püani keno süxa pesü wuve cheni. Hiye apitì alaphe lo xusüve keu kiqi ke.

MATTHEW 22:5

“Ikemu panongu ye amlo tsümoe eno pütüta shélo wuve; lakhi no pa lu lo huve, lakhi no pa lhikishi-a lo wuve.

MATTHEW 4:10

Jisü no pa vilo pi, “I lau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthu lo.’”

Mark 4:14

Alukichiu hu no Alhou tsa vesü.

Mark 4:16

Kütami khami ye atusaye yeghi shou apitì vesü keu toi Alhou tsa chilukhavi alokivishi ikhilu cheni.

Mark 4:4

Pa no apitì vesü akelo, hami no alaphe lo vesülu, ikelo aghauqo no ighino tipaqo mighive.

Luke 8:12

Apitì alà lo ikiqive keqo ye chiluve kemiqo, ikemu tüghami no ighino panongu mlo lono atsa ikhisüwuve tsüke miqo, tiye panongu pelo pülü eno xalu pemo niye ke.

Apostolmi 17:32

Kughou kithimi xülethu keu tsa panongu no chilu keno, khami no pa junuqhi, ikemu khami no ishi pi, “Ningu ye hipau vehu itaghi O lau no chilu nishi anie.”

Apostolmi 5:3

Ikelo Peter no pi, “Ananias, no ye kíshi püzü Satan pelo O mlo lo ilove pe no Aghungu Kimthe pishiqhi ghi nono alu jelu keu lono pisa hami ikhithape O sala qhiluve kea?

2 Kor. 2:11

Tishi keu hu ye Satan pelo ningu pishiqhive pemo niye ke. Kughengu ningu ye pa müqü jeliqo mtha ke kumoe.

2 Thes. 2:9

Ayeza hekibideu ye Satan no kíshi mülà cheni keno tipau ghola lono ighi nani. Pa no aküka jeli kümtsü peitha no akümzapu kümlà eno akichiqhipu kichileu michipu kutomo shipe pìye nani

IBRIMI 12:16

Khuu pelo nomu kipito küxü lo mithemove keu shipemo nike, momu Esau, khuu anu akichiú shi anamu akhuna lakhi ghenguno pa mheghi chipiu jeve keno, pa toi Alhou sümsamo keu shipemo nike jukuto lo.

IBRIMI 2:1

Ningu fupe wuve pemo nike ghenguno ningu no kiu chiluvea keno tipau lo ningu ye ighono amlotsüqhiyi moayesae.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

Piyeküsü 20:7

Ampe qhethonhe lakhi tave kethiu, Satan ye pa kughuki lono khaqhipheve