Mark 2:17 - Sümi Tiqhelimi Bible

¹⁷ Hi chilu kelo Jisü no panongu vilo ishi pi, “Küsükinimi no kumo aye ashi-aji viakemi ye shikipivimi avehupu shichemoe. Ni ye amikuchomiqo ku niye ighimoe, ikemu axinemiqo ku niye ighike.”

BAIBEL (BSI)

¹⁷ Jisu no ti chiluve eno panoqo khochile. “Timi khunoqono akivishi ani keno shikipiviu avehupu shiamoe, ikemu suakeqo no shikipiviu avehupu shichenie. Niye achipiushichekemi kuniye ighike kumoe. Ikemu axinemi kuniye ighike.”

Sumi Naga CL (Re-edited) Bible (BSI)

¹⁷ Hi chilu kelo Jisü no panoqo vilo pi, “Ashiaji vithai akeqou no kumo püzü khunono küsükini shi ani keno shikipiviu avehupu shi cheni. I no ighi keu ye amikuchomi kumono axinemi kuniye ke.”

Mark 2:17 Mawu Ofanana

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Luke 15:10

I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”

Luke 15:29

Ikemu pa no ishi papù khochile, ‘Julo! Ni ye ampe hijejehi aqemi lakhi toi O qe ighi eno khilemu O zakütsüqo hebide chemoe. Tishimu no ye khilemu I pelo I küsàmiqo gholo alokivi ghulhu shilu penike aneti lakhimu pesü I tsümoe.

Luke 15:7

I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.

Luke 16:15

Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

Luke 19:10

Kughengu Timi Nu ye pühave kemi phu niye eno xalu nike ighie.”

John 9:34

Hipau lo panongu no khochile, “No ye apunu lonomu axiné lo thonhei acheke; no ye kíshi püzü ningu kütsü ani kea!” Tisheno panongu no synagog lono khalau pa hapheve.

John 9:40

Phariseemiqo hami pa gholo ngo akemiqo no hi pikeu chilu püzü pa vilo iniju, “Kíshie pia? Ningu ghí anhethi kighichemi ya?”

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 26:20

Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.