Mark 14:6 - Sümi Tiqhelimi Bible

⁶ Jisü no pi, “Palokutove lo. Nongu ye kushiye li pünaqhi ani kea? Li ye I lau jukivipu kümlà lakhi shivae.

BAIBEL (BSI)

⁶ Ikemu Jisu no pi, “Li lokutolo,nonguye kushiye li shipunaqhi ani kya? Liye akumla kivi lakhi ilau mlatsu anike.

Sumi Naga CL (Re-edited) Bible (BSI)

⁶ Ikemu Jisü no pi, “Li ghenguno alomsü kevilo. Nongu ye kushiye li pünaqhi ani kea? Li ye I lau jukivi kümla shive tsüae.

Mark 14:6 Mawu Ofanana

MATTHEW 26:10

Tishi akeu ithi akehu, Jisü no panongu vilo pi, “Nongu ye kushiye totimi hipau küpüna ani kea? Li ye akivishi I gihu keu kümlà shivae.

Mark 14:5

Axokütsüngü hiye ampe lakhi jume nguno akichiù lono jelu püzü pisa pesü athokhamiqo tsülu kepu shi ake.” Tisheno panongu no ayiküsa shi li lomipi.

Mark 14:7

Athokhami ye alhokuthu nongu gholo ache nani, eno nongu ye kugho-kughomu nongu no pulo aye panoqo kuphulu nani. Ikemu ni ye alhokuthu nongu gholo aní keu kumoe.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

2 Kor. 9:8

Eno Alhou ye kupukuno shi nongu kümgha tsülu nani, tishianguno thowkha kümtsü lo eno ado aghuloki kümtsü lo nongu no avehupu shikeu kümtsü aghílu pe nani eno nongu ye akümlà kivipu kümtsü lo kupukuno shi küsajelu nani.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

2 Thes. 2:17

pa pelo nongu kümlà kivi eno atsa kivi pikeu kümtsü lo nongu mlo shikumto eno nongu iqhikithe tsü peniu.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

2 Tim. 2:21

Khunoqo no pano likhi pano pesü inapügha peitha nikeu lono shikimthe pe qhini keno panongu ye paküta keu kimiji ghenguno küghaküsü shi peitha nani. Panongu ye akimthe shive tsü nani eno Ampeu ghenguno peithakulupu shi nani eno akümlà kivi shini keu ghenguno kutokughoi pe qhive nani.

2 Tim. 3:17

tishianguno Alhou qe akemi pelo akümlà kivi jeli shini keu ghenguno ananu kupukülai pepulu peniye ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 2:7

Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

Titus 3:14

Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

IBRIMI 10:24

Eno ningu ye kíshi no lakhi no lakhi shikumto ghi kikimiye eno akümlà kiviqo shiluni keno tipaqo kümsüni nolo,

IBRIMI 13:21

pa pulou shipe nike ghenguno thime kivi kümtsü pesü nongu pipe peniu, eno pa pelo Jisü Khristo vechewo kiu no pa lokiqipu keno tipau ningu lolo mülàlu peniu; pa lau alhokupuju lono alhokupuju kutólo ajuküvü ache pelo! Amen.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.