Mark 12:14 - Sümi Tiqhelimi Bible

¹⁴ Panongu no pa lau ighino pi, “Akükütsüu, ningu no ithi akeu ye no ye kikhikighimi lakhi. No ye kütami no züluve chekemi kumo, kughengu panongu ye khuu keno no ye tipau akhotoshi chemo; ikemu no ye Alhou laghi kuchou ghili kütsü acheni. Imaye ningu no akükaqha zame Caesar tsü keu ye achipi keo mokea?”

BAIBEL (BSI)

¹⁴ Ike panonguno ighieno Jisu vilo ishi pi, “Kutsuchekeu, ninguno ithi anike noye amikuchomi eno ogizuloye timi kumtsu aphiphi shi peitha cheni; kughengu noye timino kiu kiu thotsu shiaghie pinamu tipau jupesu akhotou shitsu chemoe, ikemu noye timi ghenguno kuchouno Alhou pulouye kiu keno tipau pesu kutsu cheni. Nivilo hi pitsulo, Rom kukau Kaisar lau asuqha tsukeu achipi keo mokya? Ninguye panoqo tsukepu keo momu ninguye tsumo kepu kya?”

Sumi Naga CL (Re-edited) Bible (BSI)

¹⁴ Panongu no ighi no pi, “Shikükau, no ye süchomie pi nino ithi ani. Kughengu no ye khuu lau mu agiju chemo momu ala saphu mono aphiphishi kihi cheni, eno kuchou no Alhou laghi pesü shika cheni. Ike zame pesü Caesar tsükeu ye ayezah kiqilo kemo kea? Ningu ye tsü kepu kemo kea?”

Mark 12:14 Mawu Ofanana

MATTHEW 22:16

Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

MATTHEW 22:17

Tishiaye hipau lo O kükümsü kiu ani keno ningu vilo pitsülo. Rommi kumokemiw zame pesü Caesar tsü keu ye achipi keo mokea?”

Mark 12:13

Hipathiu panongu no Phariseemi ngò Herod papemiqo khami hapesü Jisü tsa lono pa meluve nike puwu.

Mark 12:15

Ningu ye tsü kepu keo mokea? Ikemu Jisü ye panoqow kühakügha ithi ake. Ike pa no ishi iniju, “Nongu ye kushiye ni kitime niye pükapütsa ani kea? Ghükayi lakhi I lau süghi lo eno I pelo ti ju pelo.”

Mark 14:45

Judas no vejoi Jisü lau ighino, “Rabbi!” ipi no pa mümae.

Luke 20:22

Imaye ningu no zame Caesar tsü keu ye achipi keo mokea?”

Luke 23:2

Eno panongu no akipimí pa tsü thuve püzü ishi pi, “Timi hipau no ni shiye ikhiqhive niye kidi aghí keu ningu no phulue. Asüqha jeli Caesar tsü akeu pa no mjochile ani eno pa likhi pa pesü Messiah akükau lakhi ke ipi cheni.”

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

Rommi 13:6

Hipau ghenguno nongu ye zame tsü cheni ke, kughengu ayekipemiqo ye Alhou qemiqo ke, eno panongu ye ado kümtsü pesü ayekipe ghenguno tsü cheni ke.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 2:2

Kughengu nongu no I lopivi tsü cheni püzü I no nongu mloghimeve tsü aye khuu no I lopivi tsüní kea?

2 Kor. 4:1

Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

2 Kor. 5:11

Ikehu ningu ye Ampeu sümsa keu ye kiu keno ithive ake ghenguno ningu ye kütamiqo pütsaqhi nike pükapütsa acheni. Ningu ye kiu keno Alhou zülo ye mütsümishei ke, eno I no pülü akeu ye nongu lolo kighithi ghí mütsümishei anike.

2 Kor. 5:16

Ikehu ningu ye ayeghilomi gholau no timi khiumu chheju chemovae. Ghuthu lakhi ye ningu no hipau ghola lono Khristo chheju che kemu ningu ye tishi chemovae.

Galatiami 1:10

Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

Galatiami 2:6

Khunoqo no akukuho lo sakiphemi shi acheni keno—panongu no kiu shi cheni keno tiye I ghenguno kiumu kütüqü keu kühae; Alhou ye agi ju chemoe—sakiphemi shi akeu ju-aje pesü I kükütsü sütsa lo kiumu süküqha akepu kühae.

1 Thes. 2:4

Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.