Mark 10:21 - Sümi Tiqhelimi Bible

²¹ Jisü no pa ju no ighono pa kimiyeve, eno ishi pi, “No ye thime lakhi kupu mphie, wolo eno O mheghi kümtsü jeve no kumlhomiqo tsüvelo, eno no ye kungugha lo O kinikhuki lo akiní ania ke. Tisheno ighi püzü I papelo.”

BAIBEL (BSI)

²¹ Jisu no anhe sukuqumono paju puzu amloighiqhiyive eno pa vilo ishi pi, “Noye avehu lakhi shikepushi aphie, wolo, nono akeu kumtsu jevelo eno jelukeu pesu kumlhomi tsuvelo eno noye kungughalo kinikulu shi nani, tishieno ighi puzu ipapelo.”

Sumi Naga CL (Re-edited) Bible (BSI)

²¹ Tile Jisü no pa kimiyeqhiyi juno pi, “No ye thime lakhi no mikhe ani: wulo, nono aghi keu kümtsü jepe kumlhomi tsüve lo, eno no ye kungugha lo küakini aniae; tishino I pape ighilo.”

Mark 10:21 Mawu Ofanana

MATTHEW 16:24

Tisheno Jisü no pa khopemiqo vilo pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

MATTHEW 19:21

Jisü no khochile, “Nono kupukülai shinishi aye, wolo eno O mheghi kümtsü jeve no pesü kumlhomiqo tsüvelo, eno no ye kungugha lo akiní ania ke. Tisheno ighi püzü I papelo.”

Mark 10:22

Atsa hi chilu kelo timi hu ye agi zümoi pishiqholuve. Pa ye amlo saqhiyi wove, kughengu pa ye amheghi kutomo akemi ke.

Mark 8:34

Tisheno Jisü no pa khopemiqo gholo aqokitikhi ghí ku no ishi pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

Luke 10:42

ikemu thime lakhi likhi avehupu shi ani. Mary ye kiu no akiviu keno ti kisheluvea, eno tiye li lau no ikhisüwuve mülae.”

Luke 12:33

Nonguw küakiniqo jeve lo eno kumlhomiqo tsülo. Nongu ghenguno pisabo pepüha müla keu kutolu lo, kungugha lo akiníbo ye khilemu kühavemo nani, tile ye küpkami mu aphivilo ighi müla eno amilamu chupüha müla nani ke.

Luke 16:9

I no nongu vilo pìní, ayeghi lo küakini pesü ow shompami kighishelu lo, tishianguno kughou ti kühaveni keno lhokta kungo-a lo O sasü nani ke.

Luke 18:22

Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”

Luke 19:41

Kughou pa no Jerusalem kupunú ighive no mishighüna tipau ithulu keno, pa ye tipau ghenguno mloqa

Luke 9:23

Tisheno pa no panongu kümtsü vilo pi: “I khopemi shinishi kemi ye pa likhi pa milive moayesa eno paw kros xapu no I pape moayesae.

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

Apostolmi 2:45

Panongu no aki-alu eno kiniküa jeliqo je pesü avehupu shi akemiqo lau küsaje ke.

2 Kor. 12:15

Ikehu ni ye alokivishi I no kiu ani keno nongu ghenguno kümtsü puwove nani eno titoi I likhi I ghenguno ghí puwove nani. I no alau nongu kimiye aye, nongu ye kitila likhi I kimiye nani keshea?

2 Tim. 3:12

Kuchou lo ye, khukhumu Khristo Jisü vechewo Alhou sümsa keu küxü xü nishi kemi ye pishi-puju nani,

IBRIMI 10:34

Nongu ye akughuki lo akemiqo gholo imeküqha ke eno nonguw tinhemüghaqo ikhiluve tsü kelo alokivishi ke, kughengu nongu ye nolikhi no ghenguno tinguno amheghi akiviu eno pepushu nikeu ani kepi ithi ake.

James 2:10

Kughengu khukhumu ayeza kümtsü papelu püzü lakhi likhimu qhiveni keno tiye ayeza kümtsü hebide anike.

Piyeküsü 2:14

Tishiaghimu, ni ye thime hami O vilo pi kepu ani: Nongu dolo khami ye Balaam kükütsü pape chekemi ani. Balaam ye Israelmiqo zü sasü axiné shive peniye Balak shika ke, eno tishi keu vechewo Israelmiqo ye ajulho lhou müláve keu chuqu chuve eno kipito xüküpsa kümlà shike.

Piyeküsü 2:20

Tishiaghimu, ni ye O vilo hipau pi kepu ani: Nono Totimi Jezebel khuu li likhi li pesü tungkupumi lakhi ipi pi cheni keno li lau küsüqhi tsüke. Li kükütsü vechewo li no I qemiqo saküghüzü sasü kipito xüküpsa kümlà ngò ajulho müláve keu chuquqo chuve pe ke.

Piyeküsü 2:4

Tishiaghimu ni ye O vilo ishi muchho nishi ani: No ye atüghi lo I kimiye cheke toi kimiyemovae.