Luke 6:20 - Sümi Tiqhelimi Bible

²⁰ Jisü no pa khopemiqo ju no pi: “Nongu khunoqo no athokhami keno akümghae; kughengu Alhou kükaphu ye nonguw ke!

BAIBEL (BSI)

²⁰ Jisu no pa khopemiqo juno pi: “Nongu kumlhomiqo kumghae; Alhou yehkipe qhaye nongu wue!

Sumi Naga CL (Re-edited) Bible (BSI)

²⁰ Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

Luke 6:20 Mawu Ofanana

MATTHEW 11:5

Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno tsakiviu pesü athokhami lau asheshu anie.

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

MATTHEW 5:1

Ike kughou Jisü no aqokitikhiqo ithulu keno, pa no naghuto lakhi küdau iqho eno tile iqa. Pa khopemiqo no pa lau ighi,

Luke 12:32

“Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

Luke 13:28

“Nongu no Abraham, Isaac, Jacob eno tungkupumiqo kümtsü Alhou kükaphu lo aghí keu ithulu nani, ikemu no ampi ye khalau vepheve kelo, tilehi qanimlo eno ahu tsüghü-bubushi keu anani.

Luke 14:15

Kughou Jisü gholo kümtsa aghulhu shi akemi lakhi no hi chilu keno pa no Jisü vilo pi, “Khuno no Alhou kükaphu ghulhu lo chuqu-kusho shi nani keno akümghapue.”

Luke 16:25

“Ikemu Abraham no ishi khochile, ‘Anu, Lazarus no shiluküsa shi ache kelo no ye O küxü kupuju akivi nhemgha ithulu chekeu kümsüchilelu lo, ikemu itehi Lazarus ye hilau alokughuno shi ani eno no ye ime anie.

Luke 4:18

“Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

2 Kor. 6:10

amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

2 Kor. 8:2

Ighono paküta keu pekuju sholu anamu panonguw alokiqi yeli keu eno ighono kumlhomi shi anamu panongu ye kupukuno shi pephetsü keu hu no qochili ipeghi ke.

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.

1 Thes. 1:6

Ampeu no xüpiye keu eno ningu no xüpiye keu kishishi nongu no xüke, kughengu nongu no shishe ime akeu dolo no Aghungu Kimthe no tsü keu lokiqi vechewo akükütsü sütsa ikhilu ke.

2 Thes. 1:5

Hipaqo kümtsü vechewo Alhou’w küghakütha ye achipi kepi kimichitsü ani, tishi keu vechewo nongu ye Alhou kükaphu lo ilo küzüpu kepi kihitsü nani, eno tighenguno nongu ye ime anike.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.