Luke 21:36 - Sümi Tiqhelimi Bible

³⁶ Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”

BAIBEL (BSI)

³⁶ Ike ado kumtsulo jukutokupui inikhu alo, tishianguno hipaqo kumtsulo ime mono hechewu kulupu kumto aghilu puzu Timi Nu zulo puthugho kulupu shilo.”

Sumi Naga CL (Re-edited) Bible (BSI)

³⁶ Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Luke 21:36 Mawu Ofanana

MATTHEW 24:42

“Kiu tsalà lono nongu Mpeu ighi nani keno nongu ye mtha ke ghenguno jukuto alo.

MATTHEW 24:43

Ikemu hi vethalulo: Tsalá aki mpeu no putho lo kiu tüqhüdo lono küpkami ighi nani keno ithi aghí ke aye, pa ye jukuto anani eno pa ki hephosü iloghi pemo nani ke.

MATTHEW 24:44

Tighenguno nongu ghí kutokughoi pe amasa, kughengu Timi Nu ye nongu no huqhemo keu tüqhüdo lono ighi nani ke.

MATTHEW 25:13

“Tighenguno jukuto alo, kughengu nongu ye atsala momu ayì kihedo vehu mtha ke.

MATTHEW 26:41

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

Mark 13:33

Kutokupui khealo! Kutokughoi shilo! Nongu ye kughou no ado tipau ighi nani keno mtha ke.

Mark 13:37

I no nongu vilo kiu piani keno ni ye kümtsü vilo piani: ‘Jukuto alo!’ ”

Luke 1:19

Kungumi no pa vilo pi, “Ni ye Gabriel ke. Ni ye Alhou phivilo puthugho acheni eno I pelo O pütsa eno asütsa kivi hipau O vilo pipe nike I puwu ke.

Luke 18:1

Tisheno Jisü no akhopemiqo pelo aghüthi sǜvemo püzü tamo no inikhu ape niye aholetsa lakhi pitsüe.

Luke 20:35

Ikemu khunoqo ighi nikeu ghuloki lo ilo küzüpu shini eno akithí lono xülethuveni keno, panongu ye lukile momu wokile keu shimove nani,

Luke 21:35

Kughengu tiye khunoqo ayeghi shou xüani keno kümtsü shou ikughi nani.

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

1 Kor. 16:13

O likhi O khekuto alo: aküpülü lo mutotoi puthugho lo; amlo kumto shilo; akumto shilo.

2 Kor. 4:14

kughengu ningu no ithi akeu no Alhou khuu akithí lono Ampeu Jisü xüputhu keno pa no Jisü gholo no ningu xüputhu nani eno nongu gholo no pa zülo ningu sasü ighi nani.

Kolosiami 4:2

Tamo no inikhulo, jukutokughoi lo eno Alhou shikimthiqhiyi alo.

1 Thes. 5:17

tamo no inikhulo,

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—

Piyeküsü 11:4

Pama ye “olive sübo kini hu ke” eno akulu ghopeqhi keu kini ke eno “pama ye ayeghi Mpeu zülo puthugho achekeu hu ke.”

Piyeküsü 6:17

Kughengu panongu shou aloghukighide ikughi nikeu tsalà kijè hu ighivae, eno khuu no tipau lono xülu kea?”

Piyeküsü 7:9

Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.

Piyeküsü 8:2

Tisheno Alhou zülo kungumi tsünì puthugho akeu I no ithulu, eno afuko tsünì pesü panongu tsüe.