Luke 14:13 - Sümi Tiqhelimi Bible

¹³ Ikemu kughou nono aghulhu kijè tsüní keno kumlhomi, apukhu kighichemi, apukhu kinitave kemi, eno anhethi kighichemiqo kusü lo,

BAIBEL (BSI)

¹³ Nono aghulhu tsukelo kumlhomi, aphi a-u kighichemi, ayiku kughupami eno anhethi kighichemi kusulo,

Sumi Naga CL (Re-edited) Bible (BSI)

¹³ Ikemu kughou nono aghulhu tsüni keno, kumlhomi, alho vimo kemi, anhechemi kusülo,

Luke 14:13 Mawu Ofanana

MATTHEW 15:30

Timi kutomo no pa lau ighino apukhu kinitave kemi, anhethi kighichemi, aphukhu kighichemi, atsa pimla kemi eno kütami kutomo sasü ighino pa pukhuphi lo qhie; eno pa no panoqo shipivi tsüe.

MATTHEW 22:10

Ikehu aqemiqo no alaghilaqo lo wu püzü timi akivimi ghí eno alhoküsami ghí khijehi sholu keno panongu no ku kumqolu, ikelo külakupu chebo kijè akeu hu ye inamiqo no chhive.

Luke 11:41

Ikemu nongu khu-ajikhu lo kiu ani keno kumlhomi lau tsükinimi shilo, eno O ghenguno thowkha mitheluve nanie.

Luke 14:12

Tithiu Jisü no pa kusü keu vilo pi, “Kughou nono inaqhe ghulhu momu avelau ghulhu tsüní keno O küsàmiqo, O thiküzümiqo momu O chelimiqo, O bolomiqo, momu O kisüghümi kinímiqo kusü kevilo; nono panoqo kusü aye panongu ghí O kusü nani eno tisheno O lochileve nani.

Luke 14:14

eno no ye kümgha keu ithulu nani. Panongu ye O lochile müla nani ikemu amikuchomi xüleputhu keu tsalà lono O lochileve nani.”

Luke 14:21

“Aqeu hu no ideighi püzü pa mpeu vilo hipaqo vehu pesü kütüghüve. Aki mpeu hu ye amloideve eno pa qeu vilo ishi azah tsü, ‘Mtazü mishiphu alaghilaqo lo eno bidola kümtsü lo wu no kumlhomi, apukhu kighichemi, anhethi kighichemi eno apukhu kinitave kemi saighi lo.’

Apostolmi 9:39

Peter no panongu gholo wu, eno kughou pa no ighi keno pa sasü achebo kunguu jolha lo saiku. Chimemi kümtsü no pa sümxa pe puthugho ae, eno panongu no qa ghi Dorcas no panongu gholo ache kelo chijeboboi-phi eno tiphimini kütau ghò keqo pa pìye.

1 Tim. 3:2

Akukuho lo sakiphemi lakhi ye akipimí küha kemi shi moayesa, pa nipu lau amikucho shi moayesa, aghibiu shi moayesa, alikhi aghasülu kemi, gihu küzüpumi, inami sasükinimi, shikathi kemi shi moayesa,

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

Titus 1:8

Ikemu, pa ye inami sasükinimi shi aghí moayesa, kiu no alo keno kimiye chekemi, alikhi aghasü kulumi, amikuchomi, akimthe eno aghokulumi shi aghí moayesae.

Philemon 1:7

Ow kikimiye no alokiqi kijè I tsü eno I shikumto luvae, kughengu athiküzüu, nono Ampeu’w timiqo mlo ghüthipüxüve tsü ake.

IBRIMI 13:2

Nongu ki lo inami sasǘ nikeu kughucho kevilo, kughengu tishi keu vechewo timi khami ye mtha püzü kungumiqo sasü keu shilu püani ke.