Luke 12:32 - Sümi Tiqhelimi Bible

³² “Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

BAIBEL (BSI)

³² “Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

Sumi Naga CL (Re-edited) Bible (BSI)

³² “Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

Luke 12:32 Mawu Ofanana

MATTHEW 14:27

Ikemu Jisü no tishikhavi panoqo vilo pi: “Amlo mutotoilo! Ni ke, msà kevilo.”

MATTHEW 20:16

“Ikehu ashekhami no atüghimi shive nani, eno tihutoi atüghimi no ashekhami shive nani.”

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

MATTHEW 7:15

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Luke 10:21

Tipau tüqhüdo lo Aghungu Kimthe vechewo alokivi pesü Jisü hupite tsü, eno pa no ishi pi, “Atsütsǘ eno ayeghi Mpeu, Apùo, I no O sheqhe ani, kughengu nono alokütsümi eno ithisheve kemiqo lau no thime hipaqo küsüpe qhive, eno anuli itimiqo lau tipaqo pephe-piye ke. Iyei, Apùo, hitoi shikeu ye O pulou kiqi lono shikeu ke.

John 18:36

Jisü no pi, “I kükaphu ye hipau yeghiqha lau no kumoe. Tsalá tishiaghi aye, I qemiqo no Jewmi sakiphemiqo pelo I küghalu pemo nike lachileni cheke. Ikemu I kükaphu ye a-a kütau lono ke.”

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

Apostolmi 20:29

I no ithi akeu ye I no wuve kethiu tüngtügha yiküsaqo no nongu dolo iloghive nani eno küpülümiqo ghüzakhave nani.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

FILIPIAMI 2:13

kughengu Alhou no pa kimiji kivi shikupulu penike eno pulolu penike ghenguno nongu lolo mülà acheni.

2 Thes. 1:11

Hipau amlo lo qhi no ningu ye tamo no nongu ghenguno inikhu acheni. Tishianguno ningu Lhou pelo pa no nongu kulù keu lo aküzüpu shilu, eno pa no pa küká kumto pesü nongu kivipu eno aküpülü lono akümlà shikeu kümtsü shikupulu peniye ke.

2 Thes. 1:5

Hipaqo kümtsü vechewo Alhou’w küghakütha ye achipi kepi kimichitsü ani, tishi keu vechewo nongu ye Alhou kükaphu lo ilo küzüpu kepi kihitsü nani, eno tighenguno nongu ye ime anike.

IBRIMI 12:28

Tighenguno, ningu ye süküghütha müla nikeu kükaphu ithulu anike ghenguno, ningu shikimthiqhiyi ani nolo. Ikehu agigihu eno sükümsa lono ikhikulupushi Alhou müláni nolo,

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

Piyeküsü 1:6

eno pa Lhou eno paPù qe penike ningu pesü pa kükaphu lo achinemiqo shitsü keno pa lau alhokupuju lono alhokupuju kutólo ajuküvü eno ayekipe ache pelo! Amen.

Piyeküsü 22:5

Tilehi khilemu àküzǘ tsalà küha nani. Panongu ye akulu küvü momu khetsünhe küvü avehupu shimo nani, kughengu Ampeu Alhou no panongu küvü shive nani. Eno panongu no alhokupuju lono alhokupuju kutólo ayè pe anani.