Jude 1:3 - Sümi Tiqhelimi Bible

³ Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.

BAIBEL (BSI)

³ Kimiyechekemiqo, niye tolukivi thaqhu pukaputsa puzu ningu ghenguno xakulupu aqu shiakeu ghili pesu nongu lau yelu akeulo, nongu vilo Alhou no ghuthu khavino kumtsu ghenguno akupulupu pawu timiqo tsupe puakeu hu nonguye tipau susho masakepi qhuiniju ani.

Sumi Naga CL (Re-edited) Bible (BSI)

³ Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

Jude 1:3 Mawu Ofanana

Apostolmi 17:3

eno Messiah ye ime moayesave keu eno akithí lono xülethuve keu ghili phukideküdai pesü hepho-piye tsü. Paul no, “Hi Jisü khuu pesü I no nongu vilo piani keno pa ye Messiah ke,” ipie.

Apostolmi 18:28

Kughengu pa no aqha zülo kighe kelo akumto shi Jewmi pa lachile akeqo gheqhilu, eno Jisü ye Messiah kepi Kuchoyesü lono kimchi tsüke.

Apostolmi 20:27

Kughengu ni ye Alhou pulou kümtsü pesü nongu vilo pikülha nikeu lo süchile pe püamoe.

Apostolmi 28:28

“Tighenguno I no nongu pelo ithi penishi akeu ye Alhou’w xakulu ye Jewkumomiqo lau puwuvae eno panongu no chilu nanie!”

Apostolmi 4:12

Xakulu ye khuu lau nomu ithulu chemoe, kughengu atsütsǘ qholo ningu timi jeli pelo xakulu ithulu penike aje kütau kiumu tsüpe püamoe.”

Apostolmi 6:7

Ikehu Alhou tsa ye veküpha wove. Jerusalem lo paikhavi lono küpülümi kikihi alau shi iko wove, eno Jewmi achinemi kutomo no atsakiviu gholuve no küpülümi shiluve.

Apostolmi 9:13

Ananias no khochile, “Ampeu, ni ye timi hipau eno pa no Jerusalem lo ow akimthe timiqo ghimeqhi keu ghiliqo kutomo chiluvae.

Apostolmi 9:22

Ikemu Saul ye alau shi mutotoi kitheve no Damascus lo Jewmi küghüna akemiqo phiküghüzü ghi Jisü ye Messiah kepi kimchitsü.

1 Kor. 15:3

Kughengu I no kiu ithulu keno ni ye akhotou shi nongu lau pekishe tsü anike; ike Kuchoyesü kiqi lono Khristo ye ningu xinéqo ghenguno thive,

Galatiami 2:5

Ningu ye panongu gholo kitilamu puloküqhamo ke, tishianguno nongu ghenguno atsakiviuw kuchou qhipüalu peniye ke.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Galatiami 6:11

I likhi I u no kiyethi kijè shi peitha no nongu lau kiu yè ani keno julo!

Ephesiami 1:1

Ni Paul, Alhou pulou vechewo Khristo Jisü’w apostolmi lakhi no, Ephesus lo Alhou’w akimthe timiqo, eno Khristo Jisü lono küpülümiqo lau yèlu ani:

FILIPIAMI 1:1

Khristo Jisü qeu Paul ngò Timothy pama no, Khristo Jisü vechewo Philippi lo Alhou’w akimthemiqo eno panongu gholo jukükütsümi eno aghinimiqo kümtsü lau yèlu ani:

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

Kolosiami 1:2

Kolosia lo Alhou’w akimthe timiqo, Khristo lono pükhübekulumi athiküzümi eno achelimiqo lau yèlu ani: Ningu Papù Alhou lau no ighi keu küpükini eno aloino keu nongu gholo apeniu.

1 Thes. 2:2

Nongu no ithi akeu toi ningu ye püzüu Philippi lo imeve eno ighono ningu peithapüsa ke, ikemu ningu Lhou kukuphu vechewo ghokichile kumto sholu anamu nongu vilo Alhou tsakiviu pini keu lo amlo kumto shilu ke.

1 Tim. 1:18

I nu Timothy, ghuthu lakhi O lau tungkuptsaqo kütüghü keu kiqi lono I no azakütsü hipau O tsü ani. Tishianguno O pelo tipaqo kümsüchilelu no aküpülü eno alolo kükümsü kivi tsüqülu püzü akivishi aghüshilu peniye ke. Timi khami ye hipaqo milive no aküpülü vehu lo zükilu kütsave keu toi imeve ke.

1 Tim. 6:12

Aküpülü ghüshi akivishi shilo. Thopimi kutomo gizü lono nono akivi piphe keu vechewo khikhi Alhou no lhokta küxü lo O kulù keno tipau tsüqülulo.

2 Tim. 1:13

Nono I lau no kiu chilu keno tipau no kuchou kükütsü ghola kepi papelo eno tipau gholo aküpülü eno Khristo Jisü kikimiye lono xülo.

Titus 1:4

Titus lau yè ani, nikujo aküpülü lono lakhi shi akeu vechewo no ye I nu kuchou ke: Apù Alhou eno Khristo Jisü, ni Xakuluu lau no ighi keu küpükini eno aloino keu ow shilu peniu.

IBRIMI 13:22

Athiküzümi eno achelimiqo, ni ye nongu pelo I no shikumtokütsü tsa piakeu lo kutuu penike kite ani, kughengu kuchou lo ni ye nongu lau ighono ikhonhei keu lono yèpüani ke.

IBRIMI 6:9

Kimiye chekemi shompamiqo, ningu no ishi pi aghí namu, nongu shélo ye thime akiviu shi aghí nani kepi pülülu ani—tiye xakulu vehuqo ke.

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

2 Peter 2:21

Panongu ghengu ye achipiumikucho laghi ithive no panongu zübo pe panongu lau kiye ighi keu akimthe zakütsü tsü nike züqhulo panongu ye achipiumikucho laghi mtha keu pavini cheke.

Jude 1:1

Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani:

Jude 1:17

Ikemu kimiye chekemi shompamiqo, ningu Mpeu Jisü Khristo’w apostolmiqo no azüu no kiu pipüa keno kümsülulo.

Jude 1:20

Ikemu nongu I no kimiye chekemi shompamiqo, nongu ye nongu küpülü shishe akimtheu shou qhi keu eno Aghungu Kimthe lono inikhu keu vechewo nongu küxü shiqhepuku lo,

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.