Jude 1:24 - Sümi Tiqhelimi Bible

²⁴ Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—

BAIBEL (BSI)

²⁴ Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

Sumi Naga CL (Re-edited) Bible (BSI)

²⁴ Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Jude 1:24 Mawu Ofanana

2 Tim. 4:18

Ampeu no küsakügha jeli I ghime niye akeu kümtsü lono I xapheluve nani eno I süsho pesü paw kungugha kükaphu lo ilo nani. Pa lau alhokupuju lono alhokupuju kutólo ajuküvü ache pelo! Amen.

Ephesiami 3:20

Itehi ye Alhou khuu pa küká ningu lolo akümlà shi akeu kiqi lono ningu no khu keu momu kümsü keu nguno alau kimghi kümlapú kutólo shikulupu ani keno,

Kolosiami 1:22

Ikemu itehi ye tukutiye küha eno ngukube kepu kiumu küha no akimthe shi pa zülo ighilu penike ghenguno Khristo shi phimpi kithí vechewo pa no nongu sasü külashiluvae—

Ephesiami 5:27

eno axiné küha no momu idivemo momu kütau tukutiye kiumu küha no akimthe eno jekujeli küha no li pesü pa likhi pa lau jukighilepu kukuhou lakhi shitsü niye ke.

2 Kor. 4:14

kughengu ningu no ithi akeu no Alhou khuu akithí lono Ampeu Jisü xüputhu keno pa no Jisü gholo no ningu xüputhu nani eno nongu gholo no pa zülo ningu sasü ighi nani.

Piyeküsü 14:5

Panongu kichí lo akimiki tsa piqhimoe; eno panongu ye tukutiye küha kemiqo ke.

Rommi 8:31

“Tishiaye, ningu ye thime hipaqo lo kiu pi kepu ani kea? Alhou no ni küdau ani aye, khuu no ningu lachile kulupu kea?”

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

1 Peter 4:13

Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

2 Kor. 11:2

Ni ye Alhou lau no ighi keu nhekushu pesü nongu ju anheshu anie. Ni ye nongu pesü Khristo lau akimthe athathe lakhi toi tsü nike ghenguno Khristo pelo nongu kimi lakhi toi shipe nike I no pikiqhi shike.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Rommi 14:4

No ye khuu keno kütami qemi shou küghathabeni kea? Aqemiqo ye amikucho keo amikucho kumo keno panongu mpeu likhi no xatha nani ke. Eno panongu ye amikucho shi nani, kughengu Ampeu no panoqo pelo amikuchou shilu pe nani.

Jude 1:21

eno nongu no ningu Mpeu Jisü Khristo no nongu lau lhokta küxü süghi niye akeu huqhe ake dolo nongu likhi nongu pesü Alhou’w kimiyekini qholo qhilo.

Kolosiami 3:4

Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

Kolosiami 1:28

Ningu no asheshu chekeu ye Khristo ke. Alhou no alokütsü ningu tsü keu kümtsü pesü ningu ye timi kümtsü vilo kütüghü eno shika acheni, tishianguno timi kümtsü pesü Khristo lono tekhoi shi no Alhou zülo qhitsü niye ke.

Luke 9:26

Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

MATTHEW 25:31

“Kughou Timi nu no pa juküvü lono ighini eno kungumi kümtsü pa gholo ighini keno, pa ye pa juküvü küká lakhü lo iqa nani.

MATTHEW 19:28

Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

James 2:10

Kughengu khukhumu ayeza kümtsü papelu püzü lakhi likhimu qhiveni keno tiye ayeza kümtsü hebide anike.

2 Peter 1:10

Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,