Jude 1:12 - Sümi Tiqhelimi Bible

¹² Timi hipaqo ye nonguw kikimiye ghulhuqo lo tichetighepuqo ke, panongu ye kitilamu kujomo no nongu gholo chu cheni—panongu ye ambe khemi khipaqo no panongu likhi panongu lojí cheni keno tipaqo ke. Panongu ye tsütsüghu ghuqhi chemo keu khüngküsü ke, tiye amlhü gholo no fupe wuve cheni; panongu ye tixi süboqo ke, tiye axathi pithímo no nhüve cheni—eno akiniù thi ideve ketoi ke.

BAIBEL (BSI)

¹² Timi hipaqono kujomono kumtsa tsuqukile chekeu huye nowu kuposhukulu ghulhulo tichetighepuke. Panonguye pano likhi pano heju auve ani. Panonguye khungkusu amulhuno fupe chekeuno tsutsughu sughichemo keu toike. Panonguye tuqu tsalalo axathi pithimokeu subo toike, akuhu lono nhuveno abo akuchopu thivekeu subo toike.

Sumi Naga CL (Re-edited) Bible (BSI)

¹² Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Jude 1:12 Mawu Ofanana

MATTHEW 13:6

Ikemu kughou khetsünhe no müka ipeghive keno, abò tipaqo ye akuhu thonhei quilomo kehu phuqhive eno kimghoive.

MATTHEW 15:13

Pa no khochile, “Asütsüni khijehi I pù kungugha lo küau no shosümo keno akuhu lono nhüve nani.

Mark 4:6

Ikemu kughou khetsünhe no müka ipeghive keno, abò tipaqo ye akuhu thonhei quilomo kehu phuqhive eno kimghoive.

Luke 12:45

Ikemu kümsüju kelo aqeu no pa likhi pa pütsa ghi, ‘I mpeu ye ighi nikeu ado kushuwa lunani,’ ipi no aqemi kütami, kipitimi eno totimiqo heqhi thuve püzü chu-sho eno shomzü auve aye.

Luke 16:19

“Ghuthu lakhi kiními lakhi ache eno pa ye amekusho phephei keu phì hughai keu pepu no tsalà kipetsü nibonilei xüache.

Luke 21:34

“Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

Luke 8:6

Hami no aghüma chilomo keu atusaye yeghi lo vesülu, eno kughou tipaqo lhoipeghi keno tiye ighono qhai keu-a ke ghenguno asüboqo ye ighüive.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

FILIPIAMI 3:19

Pano küxü shekha ye kütsakungo keu ke, panongu kive kichhipu no panongu lhou shi acheni, eno panongu ye akukujopu pesü pano jekipi shi acheni ke. Panongu kükümsü ye hipau yeghi lo thimeqo shou kümsüpuku pe acheni.

1 Tim. 5:6

Ikemu chimemi khuu no ashi lo ghakiqipu ghenguno xü acheni keno li ye xü aphi lono thive keu paphi ke.

IBRIMI 13:9

Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

James 5:5

Nongu ye ayeghi lo kinikülü eno alikhi aghapiqi keu lo xü auvae. Nongu ye ghikiqhi tsalá ghenguno atha pubeyiluvae.