Jude 1:1 - Sümi Tiqhelimi Bible

¹ Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani:

BAIBEL (BSI)

¹ Jisu Khristo qeu eno Jems thikuzuu Juda Alhou no kuluvekemi khunoqono Apu Alhou kikimiyelo acheni eno Jisu Khristo ghenguno susho pesu akemiqo lau yelu ani.

Sumi Naga CL (Re-edited) Bible (BSI)

¹ Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

Jude 1:1 Mawu Ofanana

MATTHEW 10:3

Philip eno Bartholomew; Thomas eno Matthew zame küqhau; Alphaeus nu James, eno Thaddaeus;

MATTHEW 13:55

Hipau ye asǜ kümlàu nopu ke kumo kea? Pazá je ye Mary, eno James, Joseph, Simon ngò Judas noqo ye pa thiküzümiqo ke kumo kea?

Mark 3:18

Andrew, Philip, Bartholomew, Matthew, Thomas, Alphaeus nu James, Thaddaeus, Simon azá yeghi kimiye kicheu

Mark 6:3

Hiye asǜ kümlàu ke kumo keshea? Hiye Mary nopu eno James, Joseph, Judas, eno Simon noqo thiküzüu ke kumo? Eno pa chelimiqo ye hilau ningu gholo anike kumo keshea?” Tisheno panongu ye Jisü jupe anheshuve.

Luke 6:16

James nu Judas ngò Judas Iscariot, khuu thechuu shive keno.

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

John 14:22

Ikelo Judas (Judas Iscariot kumo no kütami) no ishi pi, “Ampeu, ikemu no ye kushiye ayeghiqha lau O likhi O pìyemo püzü ningu lau likhi pìye ani kea?”

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 17:15

I no inikhu akeu ye O pelo panongu pesü ayeghi lono ikhisüwuve penike ghenguno kumoe ikemu küsakügha lau no panongu süsho tsü penike ghenguno ke.

John 17:17

Kuchou vechewo panoqo shikimthe tsülo kughengu O tsa ye kuchou ke.

John 17:19

Panongu pelo kuchou no ikhiphe pe tsü penike ghenguno ni ye I likhi ni ikhiphe pe tsüvea ke.

John 6:39

Eno hino I puwu keu pulou ke, tiye pa no I tsü kemi lakhimu pühavemo püzü ashekha tsalà lono panoqo xüputhuni keu ke.

Apostolmi 1:13

Panongu no ighive kethiu, panongu ye panongu no kunguu ngo chekeu chebo lo ikuve. Tile akemiqo ye: Peter, John, James, eno Andrew; Philip eno Thomas; Bartholomew eno Matthew; Alphaeus nu James eno azá yeghi kimiye kicheu Simon eno James nu Judas.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Apostolmi 27:23

I no qe chekeu Lhou eno I Mpeu’w kungumi lakhi no ìji inaputhou no I phivilo puthugho

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Rommi 1:6

Eno Jisü Khristo laumi shipe nike Jewkumomi kulùve kemiqo gholo nongu ghí lakhi ke.

Rommi 16:18

Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

Rommi 6:22

Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

Rommi 8:30

Eno khunoqo azüu no kughuchho pe qhive keno, pa no panoqo ghí kulùve; pa no khunoqo kulùve keno, panoqo pelo no ghí achipikaluve pe: pa no khunoqo achipikaluve pe keno, panoqo pelo no ghí pa kimthe juküvü küsajelu pe ke.

Rommi 9:24

Eno ningu ye Alhou no kulùve kemiqo ke. Ningu kümtsü Jewmi kumo ke ikemu ningu kutomo no Jewkumomi ke.

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

Ephesiami 5:26

Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

2 Tim. 1:9

Pa no ningu xaluvae eno akimthe küxü lo xü penike ningu kulù ke—ningu no kiuala shilu keu ghenguno kumoe ikemu pa kimiji eno küpükini vechewo no ke. Küpükini hipau ye inahuu no Khristo Jisü vechewo ningu tsüvae,

2 Tim. 4:18

Ampeu no küsakügha jeli I ghime niye akeu kümtsü lono I xapheluve nani eno I süsho pesü paw kungugha kükaphu lo ilo nani. Pa lau alhokupuju lono alhokupuju kutólo ajuküvü ache pelo! Amen.

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

James 1:1

James, Alhou eno Ampeu Jisü Khristo qeu lakhi, Shiyeqo dolo apanagha pe akemi ashiaye chighí kini lau: Petha tsü ani.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 1:5

tiye ashekha ghuloki lo xakulu pephe-piyemo ke kutólo aküpülü vechewo Alhou küká no azüto shipe qhipüa nani.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

Jude 1:21

eno nongu no ningu Mpeu Jisü Khristo no nongu lau lhokta küxü süghi niye akeu huqhe ake dolo nongu likhi nongu pesü Alhou’w kimiyekini qholo qhilo.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.