John 9:35 - Sümi Tiqhelimi Bible

³⁵ Phariseemiqo no anhethi iche no achekeu hu hapheve ipikeu Jisü no chilu, eno kughou Jisü no pa ithulu keno pa vilo iniju, “No ye Timi Nu shou pülü anima?”

BAIBEL (BSI)

³⁵ Panonguno pa haphevea pikeu Jisu no chilu, eno pa phuwuno pa vilo pi, “Noye Timi Nu shou pulube ani ma?”

Sumi Naga CL (Re-edited) Bible (BSI)

³⁵ Panongu no pa hapheve keu Jisü no chilu, eno pa phulu kelo Jisü no pi, “No ye Timi Nu shou pülübe anima?”

John 9:35 Mawu Ofanana

MATTHEW 14:33

Ikelo akhopemi ashuka lo akeqo no pa sheqhe ghi ishi pi, “Kuchou no no ye Alhou Nue.”

MATTHEW 16:16

Simon Peter no khochile, “No ye xü akeu Lhou Nu Messiah ke.”

MATTHEW 4:3

Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

Mark 1:1

Alhou Nu, Jisü Messiah tsakiviu ghili hukuthu ye

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 1:34

I no ithuluvea eno thopi shi anike hiye Alhou Nu ke.”

John 10:36

Imaye Apù no pakütashi pa likhi paw shiqhive no ayeghi lo puwu keu ye kíshiveni kea? Tishiaye nongu ye kushiye I no, ‘Ni ye Alhou nu ke,’ ipikeu ghenguno ni ye Alhou pipütha ani kepi I nguku ani kea?

John 11:27

Li no khochile, “Iyei, Ampeu, no ye Messiah, Alhou Nu, khuu ayeghi lo ighi niye shi akeno tipau ke ipi I no pülü anie.”

John 20:28

Thomas no pa vilo pi, “I Mpeu eno I Lhou!”

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 5:14

Ado hami thiu Jisü no achineki lo pa ithulu no pa vilo ishi pi, “Julo, no ye viluvae. Axiné shi kevilo tishimo aye alhoküsa hinguno aküsàu O shou ikughi nosake.”

John 6:69

No ye Alhou’w Akimtheu Lakhi kepi ningu no ithivea eno pülüluvae.”

John 9:22

Anhethi kighicheu pù-aza ye Jewmi sakiphemiqo kümsà lau no hi pike, kughengu Jewmi sakiphemiqo ye azüu no khukhumu Jisü ye Messiah kepi ikhilu kemi ye synagog lono hapheve nikeu shi xakütha shipepüa ke.

John 9:34

Hipau lo panongu no khochile, “No ye apunu lonomu axiné lo thonhei acheke; no ye kíshi püzü ningu kütsü ani kea!” Tisheno panongu no synagog lono khalau pa hapheve.

Apostolmi 8:36

Pama no alà lo kicheghüzü shiche kelo, azü akeu-a lo ighi eno shokou no ishi pi, “Julo, hile azü ani. I no baptiz shini keu lo kiu no lakha kepu ani kea?”

Apostolmi 8:37

Philip no pi, “Tsalá nono O mlo kümtsü pesü pülü aye tishilo.” Shokou no khochile, “Jisü Khristo ye Alhou Nu kepi I no pülü ani.”

Apostolmi 9:20

Pa ye paikhavi lono synagog lo Jisü ye Alhou nu kepi kütsü thuve.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

Rommi 10:20

Eno tipathiu Isaiah no Alhou ghenguno amlo kumto shi pi, “I phumo kemi no I phulu, I kumo kemi lau I no I likhi I pephe-piye ke.”

1 John 4:15

Tsalá khukhumu Jisü ye Alhou Nu kepi ikhilu aye, Alhou no panongu lolo xü cheni eno panongu no Alhou lolo xü acheni.

1 John 5:10

Khukhumu Alhou Nu shou pülü keu ye ashepe hipau ikhilu cheni. Khukhumu Alhou shou pülübemo keu ye Alhou pesü kimkimi lakhi shive tsü ani, kughengu panongu ye Alhou no pa Nu ghili ashepe tsü akeu pülübemo ke.

1 John 5:13

Ni ye nongu khunoqo no Alhou Nu je shou pülü cheni keno nongu lau thime hipaqo yè ani, tishianguno nongu pelo nongu ye lhokta küxü ani kepi ithi peniye ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

1 John 5:5

Ayeghiqha theqhilu chekeu hu ye khuu kea? Khunoqo no Jisü ye Alhou Nu kepi pülü cheni keno tipaqo ke.

3 John 1:10

Ike kughou I no ighini keno, pa no kiu shi ani keno I no tipau pephe nani, tiye pa no tixe eno akükümsü küküha tsa pesü ningu ghili külha akeu ke. Tipau lo aghaqi müla no, pa ye küpülümi kütamiqo sasǘ pe nikeu kutólo ghí milive ke. Khunoqo no sasǘ nishi ani keno tipaqo pa no lakhave ke eno akukuhou lono hapheve ke.