John 8:31 - Sümi Tiqhelimi Bible

³¹ Jisü no pa pülüluve kemi Jewmiqo vilo ishi pi, “Nongu no I kükütsü papelu aye nongu ye kuchou no I khopemiqo ke.

BAIBEL (BSI)

³¹ Ikehu Judami khunoqono pa shou pululuve keno tipaqo vilo Jisu no pi, “Nonguno ino pikeu tsa papelu aye nonguye kuchouno ino kutsuluvekemi qoe;

Sumi Naga CL (Re-edited) Bible (BSI)

³¹ Ikehu Jewmi khunono Jisü pülülu keno tipaqo vilo pa no pi, “Nongu no I tsa papelu aye nongu ye kuchou no I khopemi,

John 8:31 Mawu Ofanana

MATTHEW 24:13

ikemu khuno no ashekha kutólo mutotoi puthugho aghíni keno xaluve nani.

John 1:47

Kughou Jisü no Nathanael no pa küdau chekeu ithulu keno pa no Nathanael ghili ishi pi, “Israelmi kuchou no hi chenie. Pa lolo pishikiqhi kühae.”

John 2:2

eno külakupu lo Jisü ngò pa khopemiqo ghí kusü pe püae.

John 6:55

Kughengu I shi ye kuchou chuqu eno I jì ye yelu kepu kuchou ke.

John 8:36

Ike tsalá Anu no nongu khaqhipheve aye nongu ye kuchou no khaqhipheve nani.

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 26:22

Ikemu Alhou no ishí tsalà kutólo I kuphutsü ke; tishikehu ni ye hilehi puthugho no kijemi ngò kitilami kümtsü lau I shepe tsülu ani. Ni ye tungkupumiqo ngò Moses no kiu shi nani keno pitsü keu nguno alau ye kiumu alá piamoe, tiye—

Rommi 11:22

Tighenguno Alhou ye kiutoi küpüqhiyi eno ayiküsa keno kümsülulo: pa ye veqhive kemi lau ayiküsa shi cheni, ikemu nongu no paw küpüqhiyi keu lo cheche aye nongu lau küpüqhiyi keu anani. Tishimo aye, nongu ghí miché peve nani.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

1 Tim. 2:15

Ikemu totimiqo no aküpülü, kikimiye eno akimthe gholo achipi küxü xü aye panongu ye angá punú keu vechewo xalu nani.

1 Tim. 4:16

Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

2 Tim. 3:14

Ikemu O ghengu ye nono kiu ithivea eno pülübeluvea keno tipau pape chelo kughengu no ye khunoqo lau tipaqo shikalu keno nono ti ithi anike,

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

IBRIMI 8:9

Tiye kughou I no panongu pù-asüqo sasü panonguw au lono sünhepe no Egypt lono panongu sasü ipeghi ke toi keu puloshoqhi kumoe, panongu no iw puloshoqhi lo amikucho shimo ke ghenguno I no panongu lau no tsüghüsü wuve ke, ipi Ampeu no shuphe ke.

James 1:25

Ikemu khuno no kupukülai keu yeza khikhi kuqhokiphe tsü cheni keno tipau lo amlotsüqhiyi ju eno tipau lo tamo no kümsükutoju—panongu no kiu chilu keno kümsümamo no tipau shini keno—panongu ye panongu no kiu mülà keno tipau lo mügha nani.

1 John 2:19

Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

1 John 2:24

Nongu ghengu ye, nongu no abothu lono kiu chilu keno tipau nongu lolo aní keu jukuto alo. Tishilu aye, nongu ghí Anu eno Apù gholo anani.

2 John 1:9

Khukhumu azüu powuve no Khristo kükütsü papemove aye pa lolo Alhou kühae; khukhumu Khristo kükütsü pape aye Apù eno Anu kinikujo acheni.