John 8:19 - Sümi Tiqhelimi Bible

¹⁹ Ikelo panongu no pa vilo iniju, “O pù ye khila ani kea?” Jisü no khochile, “Nongu ye ni momu I pù mu ithi amoe. Tsalá nongu no ni ithi aghí ke aye, nongu ye I pù ghí ithini cheke.”

BAIBEL (BSI)

¹⁹ Panonguno pa vilo iniju, “Opu ye khile ani kya?” Tile Jisu no khochile, “Nonguye ni mu mtha momu iPu mu mthae. Nonguno ni ithike aye nonguye iPuh ghi ithini cheke.”

Sumi Naga CL (Re-edited) Bible (BSI)

¹⁹ Ikehu panongu no pa vilo pi, “O pu ye khile ani kea?” Jisü no khochile, “Nongu ye ni eno I Pu mu mthae. Nongu no ni ithike aye I Pu ghi ithini cheke.”

John 8:19 Mawu Ofanana

MATTHEW 11:25

Tipau tüqhüdo lo Jisü no pi, “Atsütsǘ eno ayeghi Mpeu, Apùo, I no O sheqhe ani, kughengu nono alokütsümi eno ithisheve kemiqo lau no thime hipaqo küsüpe qhive, eno anuli itimiqo lau tipaqo pephe-piye ke.

John 1:10

Pa ye ayeghi lo ae, eno pa vechewo ayeghiqha lhophe kemu ayeghilomi no pa ikhilumoe.

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 15:21

I je ghenguno panongu no hitoi nongu pishi-puju nani, kughengu panongu ye khuu no I puwu keno mtha ke.

John 16:3

Panongu no tipaphi kümlàqo shi nani kughengu panongu ye Apù momu ni mtha ke.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 7:28

Jisü ye hi kutólo achineki khalau kütsü ake, ike pa no ighamuku pi, “Iyei! Nongu ye ni ithi anie, eno nongu ye I no khilau no ighi keno ithi anie. Ni ye I likhi iw kükagha lono hilehi ighiamoe, ikemu khuu I puwu keno pa ye kuchou ke. Nongu ye pa mthae,

1 Kor. 15:34

Nongu no shi moayesa keu toi nongu ye alopütsü kithe luvelo, eno axiné shiauve kevilo; kughengu I no hi piakeu lo nongu shikukujove ani kemu nongu gholo Alhou mtha-mithe kemi khami anike.

Galatiami 4:9

Ikemu itehi nongu ye Alhou ithive ake—momu pìní aye Alhou no nongu ithivae—tishiaye nongu ye kíshi no hipau yeghilomiw qeinai keu eno ameküha keu boqha kükaqo lau idewove ani kea? Nongu ye tipaqo pelo itaghi nongu pesü panongu qüaxeu shive penishi ani keshea?

Ephesiami 1:17

Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Kolosiami 1:15

Anu ye ithukümlau Lhou jukimihi ke, pa ye lhoqhipüa keu kümtsü nguno akiqheu ke.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

1 John 2:23

Khukhumu Anu milive aye pano lolo Apù kühae; khukhumu anu ikhilu aye Apù ghí pano lolo anie.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

2 John 1:9

Khukhumu azüu powuve no Khristo kükütsü papemove aye pa lolo Alhou kühae; khukhumu Khristo kükütsü pape aye Apù eno Anu kinikujo acheni.