John 8:12 - Sümi Tiqhelimi Bible

¹² Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

BAIBEL (BSI)

¹² Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

Sumi Naga CL (Re-edited) Bible (BSI)

¹² Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

John 8:12 Mawu Ofanana

MATTHEW 5:14

“Nongu ye ayeghiqha ghenguno aküvü ke. Atoghi lakhi lo mishiphu shiqhe püakeu ye küsüve mülae.

Luke 2:32

tiye Jewkumomi ghenguno pekiphe küvü lakhi ke, eno ow timi Israelmi ghenguno ajuküvü ke.”

John 12:35

Tisheno Jisü no panongu vilo pi, “Aküvü ye ado kitila ghengu likhi nongu gholo aniae. Àküzǘ no nongu theqhive mphi züu, aküvü ake lono alà chelo. Khunoqo no àküzǘ lo checheni keno panongu ye khila wucheni keno mthae.

John 12:36

Nongu gholo aküvü aphi lono aküvü pülüluve lo, tishianguno nongu pelo aküvü nuli shilu peniye ke.” Kughou pa no atsa pitave keno, Jisü ye wuve no panongu lau no ithsüve.

John 12:46

I pülü kemiqo pelo àküzǘ lo ngo pemo nike ghenguno ni ye aküvü lakhi shi püzü ayeghi lo ighivae.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 3:19

Xakütha ye hike: Aküvü ye ayeghi lo ighivae, ikemu timiqo no aküvü kimiye nike züqhulo àküzǘ kimiye ke, kughengu panongu kümlàqo no küsakügha ke.

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

John 9:5

I no ayeghi lo ake dolo, ni ye ayeghilomi küvü ke.”

Apostolmi 13:47

Kughengu Ampeu no hitoi ningu lau azah tsüpüani ke: “Nongu pelo ayeghi kishekha kutólo xakulu süghi penike ghenguno I no nongu pesü Jewkumomiqo ghenguno akulu lakhi toi shitsü ke.”

Apostolmi 26:23

Messiah ye aghime shi moayesa nani eno akithí lono xüithuve kemi dolo atüghiu shi nani, aküvü kükütsü sütsa pesü no paw timiqo eno Jewkumomiqo lau süghitsü nani.”

2 Peter 2:17

Timi hipaqo ye azü küha keu züpuki ke eno pasapagha no akimhi fupe wuve ketoi ke. Panongu ghenguno àküzǘ kuthò ghüpe püani.

2 Peter 2:4

Kughengu kughou kungumiqo no axiné shive keno Alhou ye panongu kipimí qhitsümo no amiyizü lo sǘve eno küghathabe nike ghenguno àküzǘ yikichhe pesü panongu tshüpe qhive cheni aye;

1 John 1:6

Ningu no pa sasü kuposhu cheni ipi pükha aghí namu àküzǘ lo xü aye, ningu ye mikí ani eno kuchou shi xülu chemoe.

Jude 1:13

Panongu ye azüghi zü fukukucho kighide toi panongu kukujopu mülaghubei ipeghi cheni; panongu ye itsükiche yepuqo toi ke, alhokupuju ghenguno panongu sala àküzǘ kuthò ghüpe püani.

Jude 1:6

Eno kungumi khipaqo no panonguw kükagha-a pe müla püzü panonguw achipi kungo-a qhive cheni keno—pa no hipaqo àküzǘ lo qhive ke, tipaqo ye lhokta yikichhe pesü küghakütha Tsalá kijè ghenguno tshüve cheni.

Piyeküsü 21:24

Shiye jeli no tipau küvü lono chewulu nani, eno ayeghi lo kükamiqo no panonguw kinikülü pesü tipau lo peighi nani.