John 7:19 - Sümi Tiqhelimi Bible

¹⁹ Moses ye ayeza pesü nongu tsüke kumo keshea? Ikemu nongu lakhimu ayeza papemo ke. Nongu ye kushiye I pìthíve niye pükapütsa ani kea?”

BAIBEL (BSI)

¹⁹ Muse no Ayezah nongu tsuke kumo kesha? Ikemu nongu lakhi mu Ayezah pemlae. Nonguye kushiye iheqhipithive nike phu cheni kya?”

Sumi Naga CL (Re-edited) Bible (BSI)

¹⁹ Moses no Ayezah nongu tsüke kumo? Ikeghi nongu khumu Ayezah pemlae. Nongu ye kushiye I pithiveni ke phu ani kea?”

John 7:19 Mawu Ofanana

MATTHEW 12:14

Ikemu Phariseemiqo ye khalau ipeve eno kíshi no Jisü pìthíve nike no kuchughu thuve.

MATTHEW 21:38

“Ikemu kughou mishichi chekemiqo no panu ithulu keno, panongu lakhi no lakhi vilo ishi pie, ‘Hino amheghi ighi nikeu ke. Ighilo, ningu pa pìthíve no pa mheghi luvetsünie.’

Mark 11:18

Achinetomi eno ayeza kükütsümiqo ye ti chilu kelo Jisü pìthíve nikeu laghi phuthuve. Kughengu aqokitikhi kümtsü no pa kükütsü ini pesü akümzave kehu panongu ye Jisü msàve.

Mark 3:4

Tisheno Jisü no panongu vilo iniju, “Ayeza kiqi lo Sabbath tsalà lo khikhiu shikeu no achipi kea: akivi kümlà shikeu no keo küsakügha kümlà shikeu no kea, aküxü xalu keu no keo pìthíve keu no kea?” Ikemu panongu ye kiumu khochile mülave.

Mark 3:6

Ikelo Phariseemiqo ye khalau ipeve no Herod papemiqo sasü kíshi no Jisü pìthíve nike no kuchughu thuve.

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 10:39

Itaghi panongu no Jisü küghaluve niye pükapütsa, ikemu pa no panongu pelo pa tsüqüluve pemo no pokajoluve.

John 11:53

Ikehu atsala tipau thiu ye panongu ye Jisü küxü luve tsü niye kümüqü thuve.

John 5:16

Ike Jisü no Sabbath tsalà lono thime hipaqo shikeu ghenguno Jewmi sakiphemiqo no pa pishi-puju thuve.

John 5:18

Hipau vehu ghenguno Jisü pìthíve nikeu lo panongu ye alau pükapütsa auve. Kughengu pa ye Sabbath yeza hebide keu likhi kumo püzü pa ye Alhou vilo pa likhi Papù ipi ku keu vechewo pa pesü Alhou qhemi lo qhike.

John 5:45

“Ikemu ni ye Apù zülo nongu nguku nani kepi kümsü kevilo. Nongu ngukuni keu ye Moses ke, nonguw lajupuqo ye pa shou bepe anie.

John 7:1

Hipathiu Jisü ye Galilee qhalo wue. Jewmi sakiphemiqo no pa pìthíve niye kuchughu ake ghenguno pa ye Judea qhalo wuni shimo no ake.

John 7:25

Tipau tüqhüdo lo Jerusalemiqo khami no ishi iniju thuve, “Timi hipau ye Jewmi sakiphemiqo no pìthíve niye pükapütsa akeu ke kumo keshea?

Apostolmi 7:38

Pa ye Sinai Naghuto lo kungumi pa pütsa keu eno ni pù-asüqo gholo küghünamokeu-a lo kuhokumqo keu lo ake; eno pa no ningu lau pekishe kepu aküxüpu tsaqo saighike.

Galatiami 3:19

Tishiaye kushiye ayeza tsüpüani kea? Ayeza ye ayeza hebideve keu ithi pe nikeu ghenguno süke, tiye Abraham tikughuko khuu lau pikiqhi shipüa keno pa no ighimo ke kutó ghenguno ke. Alhou no pa yeza kungumiqo vechewo Moses khuu Alhou eno timi dolo lakipiu keno pa tsüke.

Galatiami 6:13

Aphighüyiko-küghá saphu chekemi kutólo ghí ayeza pape chemoe, tishimu panongu ye nongu pelo aphighüyiko ghave penishi ani, tishianguno nongu no ashi lono aphighüyiko ghave keu vechewo panongu ye aqheküza shi niye ke.