John 7:1 - Sümi Tiqhelimi Bible

¹ Hipathiu Jisü ye Galilee qhalo wue. Jewmi sakiphemiqo no pa pìthíve niye kuchughu ake ghenguno pa ye Judea qhalo wuni shimo no ake.

BAIBEL (BSI)

¹ Hipa thiu Jisu ye Galil lo izu ache. Paye Judia lo izuwu nishimoe kughengu tilau Judamiqoye pa pithive nikeu shi pa phuju ae.

Sumi Naga CL (Re-edited) Bible (BSI)

¹ Hipa thiu Jisü ye Galilee qha kümtsü itsü wuve. Pa ye Judea lo wumoe kughengu Jewmi no pa pithiveni ye phu ake.

John 7:1 Mawu Ofanana

MATTHEW 10:23

Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

MATTHEW 21:38

“Ikemu kughou mishichi chekemiqo no panu ithulu keno, panongu lakhi no lakhi vilo ishi pie, ‘Hino amheghi ighi nikeu ke. Ighilo, ningu pa pìthíve no pa mheghi luvetsünie.’

Mark 11:18

Achinetomi eno ayeza kükütsümiqo ye ti chilu kelo Jisü pìthíve nikeu laghi phuthuve. Kughengu aqokitikhi kümtsü no pa kükütsü ini pesü akümzave kehu panongu ye Jisü msàve.

John 1:19

Kughou Jewmi sakiphemiqo no Jerusalem lo achinemi ngò Levimiqo pelo John ye khuu keno iniju peniye puwu keno, John no hitoi pa shepe shie.

John 4:3

Ikehu Jisü ye Judea qhive no itaghi ghuthu lakhi Galilee lo idewove.

John 4:54

Hiye Jisü no Judea lono Galilee lo ighive kethiu amichipu kümlà shikeu akiniù ke.

John 6:1

Ado hami thiu Jisü ye Galilee züghi (tiye Tiberias züghi ghí pi cheni) mükü küdau kathasü putou wue,

John 7:11

Ike tiqhitini lo Jewmi sakiphemiqo ye Jisü phuju ghi ishi iniju, “Pa ye khile ani kea?”

John 7:13

Ikemu Jewmi sakiphemiqo kümsà ghenguno khumu mìshí zülo ye pa ghili pimoe.

John 7:19

Moses ye ayeza pesü nongu tsüke kumo keshea? Ikemu nongu lakhimu ayeza papemo ke. Nongu ye kushiye I pìthíve niye pükapütsa ani kea?”

John 7:25

Tipau tüqhüdo lo Jerusalemiqo khami no ishi iniju thuve, “Timi hipau ye Jewmi sakiphemiqo no pìthíve niye pükapütsa akeu ke kumo keshea?

John 7:35

Jewmiqo dolo lakhi no lakhi vilo ishi pi, “Timi hipau ye ningu no phu müla keu-a khila wuve niye kümsü ani kea? Pa ye niw timi Greekmiqo gholo apanaghave kemiqo lau wu no xü püzü Greekmiqo kütsü niye shi ani keshea?

John 8:37

Nongu ye Abraham tikughukomiqo kepi I no ithi anie. Tishi keghi nongu ye I pìthíve nikeu laghi phu anie, kughengu I tsa ghenguno nongu lolo a-a küha ke.

John 8:40

Ikemu nongu ye I pìthíve nike ghenguno alaghi phu chenie. Ni ye Alhou lau no kuchou tsa chilu keu pesü nongu vilo pi cheni ke. Abraham ye hitoi keu kümlà shipüamoe.

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.