John 6:57 - Sümi Tiqhelimi Bible

⁵⁷ Xü akeu Apù no I puwu eno Apù vechewo I no xü ake toi, khuu no I no lojí keu chuni keno pa ye I vechewo xülu nani.

BAIBEL (BSI)

⁵⁷ Apuh xuakeu huno ipuwuke eno Apu ghenguno nighi xulu ani. Tihutoi khunono ishi iji chu-shoni keno ighenguno paye xulu nani.

Sumi Naga CL (Re-edited) Bible (BSI)

⁵⁷ Apu xüakeu no I puwu eno I no Apu ghenguno xü aketoi, khunono I shi eno aji chushoni keno I vecheo pa ghi xülu nani.

John 6:57 Mawu Ofanana

MATTHEW 16:16

Simon Peter no khochile, “No ye xü akeu Lhou Nu Messiah ke.”

John 14:19

Kusho kumo lo ayeghiqha ye ni ithulu kithemove nani, ikemu nongu ye ni ithulu nani. I no xü anike ghenguno nongu ghí xü nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

John 3:17

Kughengu Alhou no pa Nu puwu keu ye ayeghilomi kiléqhi penike ghenguno kumoe, ikemu pa vechewo ayeghilomi xalu peniye ke.

John 5:26

Kughengu Apù no pa lolo aküxü akeu toi, pa no Anu ghí alolo aküxü alu pe nikeu zà tsüvae.

John 6:29

Jisü no khochile, “Alhou kümlà hu ye hike: pa no puwu keu shou pülüni keu.”

John 6:38

Kughengu ni ye I pulou shini ke ghenguno kungugha lono iqighimoe ikemu I puwu keu pulou shini ke ighike.

1 Kor. 15:22

Kughengu Adam vechewo timi kümtsü thive ketoi Khristo vechewo timi kümtsü püxüve nani.

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

2 Kor. 13:4

Mütsüqhei nike ghenguno, pa ye miqemilei keu shi ghi yedapithive ke, tishimu pa ye Alhou küká vechewo xüani. Tihutoi, ningu ye Khristo toi miqemilei ke, ikemu nongu tucho ghi Alhou küká vechewo ningu ye pa gholo no xü nani.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

1 John 4:9

Alhou no hitoi paw kikimiye ningu lau pìye ke: Pa no pa Nu lakhi likhi akeu pesü ayeghi lo puwu ke, tishianguno ningu pelo pa vechewo xülu peniye ke.