John 6:39 - Sümi Tiqhelimi Bible

³⁹ Eno hino I puwu keu pulou ke, tiye pa no I tsü kemi lakhimu pühavemo püzü ashekha tsalà lono panoqo xüputhuni keu ke.

BAIBEL (BSI)

³⁹ Ipuwu puakeu ghopulouye hike: pano khunoqomi itsuveakeno niye tipaqo lakhimu puhavepemo niyeke, eno ashekha tsalalo niye tipaqo kumtsu akuxupu shi xuputhu peniyeke.

Sumi Naga CL (Re-edited) Bible (BSI)

³⁹ Eno I puwu keu pulou ye hike: Pa no itsü keqo lakhimu pühave mono ashekha tsala lono xüputhu niye ke.

John 6:39 Mawu Ofanana

MATTHEW 10:15

Kuchou no I no nongu vilo pìní, küghakütha tsalà lo mishiphu tipau ye Sodom ngò Gomorrah nguno alau ghimeqhi nani.

MATTHEW 18:14

Tihutoi nongu Papù kungugha lo akeu ye hipaqo kititi gholo lakhimu pühave penishimoe.

Luke 12:32

“Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

John 12:48

Khuu no I miliveni eno I tsa ikhilumoni keno panongu ghenguno küghakütha ani; I no pive keu tsa hu no ashekha tsalà lo panoqo kiléqhive nani.

John 17:12

I no panongu gholo akelo, I no panongu süsho eno nono aje I tsü keu pesü panongu sükusho shipe qhike. Kuchoyesü shikupu nike ghenguno ti lakhi pühaveni keu shi akeu kütsakungove keu kumo aye khumu pühave keu shi mphie.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 17:6

“Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

John 17:9

Ni ye panoqo ghenguno inikhu ani. Ni ye ayeghiqha ghenguno inikhu amoe, ikemu nono khunoqo pe I tsü keno panongu ghenguno inikhu ani, kughengu panongu ye ow ke.

John 18:9

Hipau shikeu ye pano atsa hitoi piqhipüa keu shikupu niye ke: “Ni ye nono I tsü keqo hu lakhimu püha mphie.”

John 5:28

“Hipau lo akümza kevilo, kughengu ado lakhi cheni, tiye akumoki lo akemiqo kümtsü no pa sütsa chilu

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 6:44

I puwu keu Apù no sasü ighimo ke thaqhülo ye timi khumu I lau ighi mülae, eno ashekha tsalà lo I no panongu xüputhu nani.

John 6:54

Khukhumu I shi chu eno I jì ye keu ye lhokta küxü anani eno I no ashekha tsalà lo panongu xüputhu nani.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

1 Kor. 6:14

Alhou no pa küká vechewo akithí lono Ampeu xüputhu ke, eno pa no ningu ghí xüputhu nani.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

James 5:15

Eno aküpülü lono akighini shikeu vechewo aküsǜu pelo viluve pe nani; Ampeu no panongu xüputhu nani. Tsalá panongu no axiné shipüaghi aye, panongu xiné qhivetsü nani.

1 Peter 1:5

tiye ashekha ghuloki lo xakulu pephe-piyemo ke kutólo aküpülü vechewo Alhou küká no azüto shipe qhipüa nani.

Jude 1:1

Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani: