John 6:37 - Sümi Tiqhelimi Bible

³⁷ I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

BAIBEL (BSI)

³⁷ IPuh no itsukemiqo kumtsu ilau ighi nani, eno ilau ighikemiye khilemu hapheve moe,

Sumi Naga CL (Re-edited) Bible (BSI)

³⁷ I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

John 6:37 Mawu Ofanana

MATTHEW 11:28

“Nongu amakho kimishí xapu lhove kemiqo kümtsü I lau ighilo, I no nongu kulhoqhi tsü nike.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

John 17:11

Ni ye ayeghi lo ngo ani chemoe, ikemu panongu ye ayeghi lo aphie, eno ni ye O lau chenie. Apù Akimtheu, O je küká vechewo panongu süsho tsülo, aje tiye nono I tsü keu ke, tishianguno nikujo no lakhi shi ake toi panongu ghí lakhi shilu peniye ke.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 17:6

“Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

John 6:39

Eno hino I puwu keu pulou ke, tiye pa no I tsü kemi lakhimu pühavemo püzü ashekha tsalà lono panoqo xüputhuni keu ke.

John 6:65

Pa no ishi pikibe, “Hi ghenguno Apù no shilupemo ke thaqhülo ye timi khumu I lau ighi mülae ipi I no nongu vilo pivae.”

John 9:34

Hipau lo panongu no khochile, “No ye apunu lonomu axiné lo thonhei acheke; no ye kíshi püzü ningu kütsü ani kea!” Tisheno panongu no synagog lono khalau pa hapheve.

Rommi 5:20

Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

1 Tim. 1:16

Ikemu hi ghenguno I lau kimiyekini pìye ke, tishi keu vechewo I no kiche-kipiye lakhi shi no Khristo Jisü pelo axinemiqo kümtsü nguno alhoküsau lau paw kutuukulu ighono kijè pephe-piye niye ke. Tisheno kütami ghí pa shou pülü no lhokta küxü ithulu nani.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

IBRIMI 4:15

Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

1 John 2:19

Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

Piyeküsü 22:17

Aghungu eno külaliu no ishi pi, “Ighilo!” Khuno no chilu ani keno, “Ighilo!” pilo. Khuno no tüghüthi ani keno ighi pelo; eno khuno no aküxüpu zü kümsá ghò lunishi ani keno ikhilu pelo.