John 5:44 - Sümi Tiqhelimi Bible

⁴⁴ Nongu ye lakhi no lakhi lau sheqhe keu ikhilu cheni ikemu shekiqhe Alhou lau likhi no ighi chekeu ye phumo ke kíshi no pülüni kea?

BAIBEL (BSI)

⁴⁴ Nonguno lakhino lakhi sheqheni shi, ikemu Alhou ye pa likhino Alhou ke pa launo sheqhekeu nonguno phuju nishimoke, nonguye kishi puzu pululuni kya?

Sumi Naga CL (Re-edited) Bible (BSI)

⁴⁴ Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

John 5:44 Mawu Ofanana

MATTHEW 23:5

“Panongu no shikeu kümtsü kütami pelo ithulu pe nikeu ghenguno shi cheni: Panongu no aumlo lo Kuchoyesü tsa bohu khapu chekeu kijè shikithe cheni eno panongu phishe lo tshüpu chekeu kushuwa shikithe cheni;

Luke 19:17

“Pa mpeu no khochile, ‘Aghile shivea, I qeu kiviu, nono thime aghulo lo pichebekulu shike, O pelo mishighüna chighí shou aye pelu peni.’

John 12:43

kughengu panongu ye Alhou no sheqhe keu nguno alau timi no sheqhe keu kimiye cheni ke.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 3:20

Küsakügha shi chekemi kümtsü no aküvü mithi ke, eno panongu kümlàqo pepheve nikeu kümsà lau no aküvü lo ighi chemoe.

John 5:41

“Ni ye timiqo lau no shekiqhe ikhilu chemoe,

John 8:43

I tsa ye nongu ghenguno kushiye mütsümisheimo kea? Tiye nongu no I no kiu piani keno ini nishimo keu ghenguno ke.

Rommi 2:10

ikemu khunoqo no akivi kümlà shi cheni keno panongu ghenguno ajuküvü, agigihu eno alokiqi anani: atüghishi Jewmi ghenguno, eno tithiu no Jewkumomi ghenguno anani.

Rommi 2:29

Ikemu, timi khuu no alolo no Jewmi keno pa ye Jewmi ke; eno akiyé yeza lo yèpüa keu vechewo kumo no Alhou Ghungu vechewo amlo kililu keu hu no aphighüyiko-küghá kuchou ke. Titoi kemi lakhi ye timi kütami lau no kumo püzü Alhou lau no akishé ithulu cheni.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

FILIPIAMI 2:3

Alakimine momu alikhi asüqhe keu pesü kiu-kiumu shi kevilo. Tishini ke züqhulo, aqhokigheu shi püzü kütami no O nguno akiviu kepi kihi lo.

1 Thes. 2:6

Ningu ye Khristo’w apostolmi ke ghenguno nongu lau no kiu avehupu shi ani keno khulu kepu kükagha anie, ikemu ningu ye timi lau no momu nongu lau ke kumo no khuu lau nomu akishé lu niye phu amoe.

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

James 2:1

I thiküzümi eno I chelimiqo, ningu akughushu Mpeu Jisü Khristo pülü chekemiqo ye agikuju shikepu kumoe.

1 Peter 1:7

Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.