John 5:39 - Sümi Tiqhelimi Bible

³⁹ Nongu no azükini shi Kuchoyesüqo phi cheni kughengu nongu no tilehi no lhokta küxü ani pi kümsü cheni ke. Kuchoyesü hipaqo no I shepe shitsü ani,

BAIBEL (BSI)

³⁹ Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

Sumi Naga CL (Re-edited) Bible (BSI)

³⁹ Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

John 5:39 Mawu Ofanana

MATTHEW 22:29

Jisü no khochile, “Nongu ye Kuchoyesü mu Alhou küká ghilimu ithi amoke ghenguno nongu ye shipimi anie.

Mark 10:3

Jisü no khochile, “Moses ye nongu vilo kiu zakütsü tsü kea?”

Mark 12:10

Nongu ye Kuchoyesü lo hipau tsajo philumo keshea: “ ‘Aki kishimi no milive keu tuqu no akhotou tuqu shivae;

Luke 16:29

“Abraham no khochile, ‘Panongu ye Moses eno Tungkupumiqo kaku ani, panongu pelo tipaqo tsa ini pelo.’

Luke 16:31

“Abraham no pa vilo pi, ‘Tsalá panongu no Moses eno Tungkupumi tsaqo inimo aye, timi khami no akithí lono xüithughi namu panongu pütsaqhi müla nanie.’ ”

Luke 24:25

Jisü no panongu vilo pi, “Nongu ye kiutoi nikhanigha kea, eno tungkupumiqo no pikeu kümtsü lo pülübe nikeu lo nongu ye kiutoi akuchhoma shi kea!

Luke 24:27

Tisheno pa no Moses lono huthu no tungkupumiqo no Kuchoyesü lo pa ghili kiu pipüani keno pesü chixechilei pama vilo pitsü.

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

John 1:45

Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

John 5:32

Kütami lakhi I saphu ghi I shepe shitsü chekeu ani, eno pa no I shepe shitsü keu ye kuchou kepi I no ithi anie.

John 5:36

“Ni ye John nguno ashepe akimishiu anie. Kughengu I no itehi müla akeqo ye Apù no I pelo shiqhive penike akümlà tsü keqo ke eno tino Apù no I puwu kepi ashepe shitsü ani.

John 5:40

tishiaghimu nongu no I lau ighi püzü aküxü aluve nikeu milive ke.

John 5:46

Nongu no Moses pülü cheghi aye, nongu ye I pülüni cheke, kughengu pa no I ghili yè ke.

John 7:52

Panongu no khochile, “No ghí Galileemi keshea? Hilehi jusü julo, eno tungkupu lakhi ye Galilee lono ipeghi chemo kepi nono phulu nani.”

Apostolmi 13:27

Jerusalem lo xüküami eno ayekipemiqo ye Jisü ikhilumove ke, tishimu pa kiléqhive keu lono panongu no Sabbath tsalà atsütsǜ lo tungkupumi no pikeu tsa phisü chekeu shikupuve ke.

Apostolmi 17:11

Jewmi Berea lo achekeqo ye Thessalonica lo Jewmi akemiqo nguno akükümsü qhaqhilei ke, kughengu panongu no ighono khekulhoshi akükütsü sütsa ikhilu tsü eno Paul no pikeu tsaqo hu kuchou kemo keno tsalà kipetsü Kuchoyesü phukideküdaju ae.

Apostolmi 26:27

Akükau Agrippa, no ye tungkupumiqo pülü chenima? No ye pülü cheni kepi I no ithi ani.”

Rommi 1:2

Atsakiviu ye Alhou no azüu no paw tungkupumiqo vechewo Akimthe Kuchoyesü lo piqhipüa keu ke.

Rommi 3:2

Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

IBRIMI 11:16

Tishini ke züqhulo, panongu ye aghakhu akiviu kümsü acheni ke—kungugha toi keu. Tighenguno Alhou ye panongu Lhou ipi kuni keu lo kujomo ke, kughengu pa ye panongu ghenguno mishighüna kutò pe qhive no ake.

IBRIMI 11:35

Totimiqo pelo pano kibolomi thive kemiqo itaghi aküxü lo xüputhuve keu ithulu pe ke. Kütamiqo ye ghimeqhi ake, eno panongu ye kuqhopheve nikeu lo milive ke tishianguno panongu ye tinguno akiviu xülekuthu hu ithulu kepu shipe niye ke.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”