John 4:53 - Sümi Tiqhelimi Bible

⁵³ Ikelo apù ye Jisü no pa vilo, “O nu ye xü nanie,” ipikeu do mtsa lono panu ye viluve kepi kümsüchilelu. Ike pa eno pa kibolomiqo kümtsü no Jisü pülüluve.

BAIBEL (BSI)

⁵³ Tileno apuhno kumsuluvekeuno tiye Jisu no pa vilo, “Onuye xu nanie” ipikeu ghuloki lono kena pi ithive. Ikehu pa eno pa kibolomi kumtsuno pululuve.

Sumi Naga CL (Re-edited) Bible (BSI)

⁵³ Apu no ithikeu no ti ye Jisü no pa vilo, “O nu ye xü nani” ipikeu ghuloki shiae. Pa eno pa kibolomi kümtsü no pülüluve.

John 4:53 Mawu Ofanana

MATTHEW 8:13

Tisheno Jisü no aqhe shou zatsüu vilo pi, “Wolo, nono pülü ake toi tishiluve peniu.” Ikelo pa qeu ye tipau süchedo lono shipiviluve.

Luke 19:9

Jisü no pa vilo pi, “Ishí no xakulu akibo hipau lo ighivae, kughengu timi hipau ghí Abraham nu lakhi ke.

John 4:51

Pa no alà lo chephi lono pa qemiqo no panu ye xünia ipikeu sütsa pesü pa sasü kushoe.

John 4:52

Panu no viluve keu do pa no iniju kelo, panongu no pa vilo, “Ighina puchou ayì lakhi kihe lono aghakimiki kühave ke,” ipi.

Apostolmi 11:14

Pa no akükütsü sütsa lakhi pesü O lau süghi nani eno tipau vechewo no eno O kibolomi kümtsü xaluve nani.’

Apostolmi 16:15

Kughou li no akibolomiqo sasü baptiz shiluve keno, li ki lo ningu kusüe. Li no pi, “Nongu no ni ye Ampeu lono küpülümi lakhi ipi ikhilu tsü aghí aye I ki lo ighino ngo lo.” Eno li no puloniqhiyi ningu sasüe.

Apostolmi 16:34

Akughuki jukükütsüu no pama sasü pa ki lo ighi eno pama ghenguno alibe kutotsü; pa ye alokivi no chhitoive kughengu pa eno pa kibolomi kümtsü Alhou shou pülübeluve ke.

Apostolmi 18:8

Tipathiu, synagog lo sakipheu Crispus ipikeu ye pa kibolomi kümtsü sasü Ampeu pülüluve: eno Paul no pikeu tsa chilu püzü pülülu kemi Korinthiami kutomo no baptiz shilue.

Apostolmi 2:39

Ashoqhi hu ye O ghenguno eno O tianuliqo ngò putosü lo akemiqo ghenguno ke—tiye Ampeu ningu Lhou no khunoqo kuni keno tipaqo ghenguno ke.”