John 3:15 - Sümi Tiqhelimi Bible

¹⁵ tishianguno pa pülülu kemi kümtsü lhokta küxü ithulu peniye ke.”

BAIBEL (BSI)

¹⁵ tishianguno pa pulukemi kumtsu lhokta kuxu anani.

Sumi Naga CL (Re-edited) Bible (BSI)

¹⁵ tishianguno khunono Pa pülü keno lhokta küxü ithulu nani.

John 3:15 Mawu Ofanana

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

Mark 16:16

Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

Luke 19:10

Kughengu Timi Nu ye pühave kemi phu niye eno xalu nike ighie.”

John 1:12

Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

Apostolmi 13:41

“ ‘Julo, nongu timi pipütha chekeqo, akümza alo eno thia lo, kughengu I no nongu tsalaqo lo kiuala khami shi nani, tiye timi khami no nongu vilo pinamu nongu ye khilemu pülümo nani.’ ”

Apostolmi 8:36

Pama no alà lo kicheghüzü shiche kelo, azü akeu-a lo ighi eno shokou no ishi pi, “Julo, hile azü ani. I no baptiz shini keu lo kiu no lakha kepu ani kea?”

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

1 Kor. 1:18

Kughengu khunoqo no pühaveni cheni keno panongu ghenguno kros kükütsü sütsa ye nikhanigha tsa ke, ikemu ningu xaluve kemi ghenguno kros ye Alhou küká ke.

2 Kor. 4:3

Eno tsalá ningu no kütsü chekeu tsakiviu küzüve aghí namu, tiye pühave akemiqo ghenguno küzüve anike.

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

IBRIMI 10:39

Ikemu ningu ye khunoqo no athiu idewove no kütsave cheni keno tipaqo laumi kumoe, ikemu ningu ye aküpülü aghí no xaluve kemiqo ke.

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

1 John 2:25

Eno pa no ningu lau piqhipüa keu ye hike—tiye lhokta küxü ke.

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.