John 20:17 - Sümi Tiqhelimi Bible

¹⁷ Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

BAIBEL (BSI)

¹⁷ Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

Sumi Naga CL (Re-edited) Bible (BSI)

¹⁷ Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

John 20:17 Mawu Ofanana

MATTHEW 12:50

Kughengu khunoqo no I pù kungugha lo akeu pulou shi cheni keno tipaqo no I thiküzüu, I chepu eno I zá ke.”

MATTHEW 25:40

“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

MATTHEW 28:7

Mtazü wu püzü pa khopemiqo vilo ishi pilo: ‘Pa ye akithí lono xülethuvae eno nongu züu no pa ye Galilee lo wuve niye cheae. Tilau no nongu no pa sasü kusholu nani.’ I no hi nongu vilo piakeu kümsüchilelu lo.”

Mark 12:26

Itehi kithimi xüputhu keu tsa lo nongu ye Moses kaku lo philumo keshea, asüminipho iqü keu ghili lo Alhou no kíshi pa vilo pi kea? ‘Ni ye Abraham Lhou, Isaac Lhou, eno Jacob Lhou ke.’

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Luke 10:4

Pisabo, jolabo momu apukhukuqho pewu kevilo; eno alà lo khiumu sasü petha shi kevilo.

John 13:1

Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

John 13:3

Jisü ye Apù no thime kümtsü pa küká qholo qhipüani kepi ithi ake, eno pa ye Alhou lau no ighi eno Alhou lau idechile wucheni kepi ithi ake;

John 14:2

I pù ki lo ye achebo kutomo ani; tishi aghimo ke aye ni ye nongu vilo tile wu no nongu sala a-a kutò pe aghíni ipini che keshea?

John 14:28

“Nongu no I no ishi pikeu chiluvae, ‘Ni ye wuchea eno ni ye nongu lau ideighi nani.’ Nongu no I kimiye cheghi aye nongu ye I no Apù lau wuche keu lo alovi nani kughengu Apù ye I nguno akijeu ke.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 16:28

Ni ye Apù lau no ayeghi lo ighike; ni ye itehi ye ayeghi qhive no Apù lau idewove cheae.”

John 17:11

Ni ye ayeghi lo ngo ani chemoe, ikemu panongu ye ayeghi lo aphie, eno ni ye O lau chenie. Apù Akimtheu, O je küká vechewo panongu süsho tsülo, aje tiye nono I tsü keu ke, tishianguno nikujo no lakhi shi ake toi panongu ghí lakhi shilu peniye ke.

John 17:25

“Achipi shi chekeu Apùo, ayeghilomi no O mtha aghí namu, I no no ithi ani, eno panongu ye nono I puwu kepi ithi anie.

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

John 20:27

Tisheno pa no Thomas vilo pi, “O u loti pe hile sǘ lo; I u julo. O u chhopuwo no I jibo lo qhiju lo. Lipi akeu tave no pülülo.”

John 7:33

Jisü no pi, “Ni ye ado ikhonhei nongu gholo anani, eno tisheno ni ye I puwu keu lau wuve nani.

Rommi 8:29

Alhou no azüu no khunoqo ithi akeno panoqo ghengu ye pa nu jukimihi lo küsaje penike püzüu no kughuchho pe qhive ke, tishianguno pa pelo athiküzümi eno achelimiqo kutomo gholo amsüu shilu peniye ke.

2 Kor. 6:18

Eno, “I no nongu papù shive nani, eno nongu no I nu eno I ngaqo shive nani, ipi Akughushuu Ampeu no pike.”

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

IBRIMI 11:16

Tishini ke züqhulo, panongu ye aghakhu akiviu kümsü acheni ke—kungugha toi keu. Tighenguno Alhou ye panongu Lhou ipi kuni keu lo kujomo ke, kughengu pa ye panongu ghenguno mishighüna kutò pe qhive no ake.

IBRIMI 8:10

Tipau do thiu I no Israel timiqo lau puloshoqhi hipau shini, ipi Ampeu no shuphe ke. I no panongu kükümsü lo I yezaqo sǘtsü nani eno panongu mlo lo tipaqo yèpuku tsü nani. I no panongu Lhou shi nani, eno panongu ye iw timi shi nani.

1 Peter 1:3

Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.

Piyeküsü 21:3

Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.

Piyeküsü 21:7

Khunoqo no tokulu shiluni keno panongu no hipaqo kümtsü ighílu nani, eno I no panongu Lhou shive nani eno panongu ye I nuliqo shive nani.