John 19:6 - Sümi Tiqhelimi Bible

⁶ Achinetomiqo eno panonguw hiyampemiqo no Jisü ithulukhavi panongu no ishi ighamuku, “Yedavelo! Yedavelo!” Ikemu Pilate no khochile, “Nongu no pa sasü wuve no pa yeda pìthívelo. I ghengu ye, ni ye timi hipau shou ngukube eno lachile kulupu kiumu phulu amoe.”

BAIBEL (BSI)

⁶ Kughou achinetomi ngo aghukhemi qono pa ithulu keno panonguno ighamuku pi! “Kros lo pa yedavelo! Kros lo pa yedavelo!” Pilat no panoqo vilo pi, “Niye pa pithivekepu akiqi lakhimu phumla. Nongu kutoshino pa sawuno kros lo pa yedavelo!”

Sumi Naga CL (Re-edited) Bible (BSI)

⁶ Kughou achinetomi ngo kijemiqo no pa ithulu keno, panongu no ighamku pi, “Pa yedavelo, pa yedavelo!” Pilate no panoqo vilo pi, “Ni ye pa shou akipimi phumla ke nongu kutoshino pa sawo yedavelo.”

John 19:6 Mawu Ofanana

MATTHEW 26:58

Ikemu Peter ye putou no achinetomiqo shou atou ki khalau kutólo Jisü papesü ighi. Pa ye iloghi no ghükhemiqo gholo iqave püzü kiu shive nani keno jukuto ae.

MATTHEW 27:22

“Imaye, Messiah ipi ku chekeu Jisü pesü I vilo kiu shivelo pi kea?” ipi Pilate no iniju. Ikelo panongu kümtsü no khochile, “Pa yedavelo!”

MATTHEW 27:24

Kughou timiqo no muqhumüza thuve niye auve eno Pilate ye kiumu shimlava ipi ithive keno, pa no aqokitikhi zülo no azü pesü pa u mütsüve eno ishi pi, “Timi hipau pìthíve akeu lo I kipimí kiumu kühae, hiye nongu makho ke.”

Luke 23:4

Tisheno Pilate no achinetomiqo eno aqokitikhi vilo pìthitsü, “Ni ye timi hipau ngukube kepu akipimí kiumu phulu amoe.”

John 18:3

Ike Judas no ghüshimi mqo, achinetomiqo’w hiyampemi khami eno Phariseemiqo là kichesü aghutu lo ighi. Panongu ye akuluqhe, amizükulu, eno aghünanuqo pesü ighi.

John 18:31

Pilate no pi, “Nongu no pa sawuve lo eno nolikhi no yeza kiqi lono pa shou xakütha shilo.” Panongu no lachile ghi pi, “Ikemu ningu ye khiumu pìthíve kepu chipiu kühae.”

John 18:38

Pilate no müghachhoi iniju, “Kuchou ye kiu kea?” Hipathiu pa no itaghi khalau Jewmi kumqo pe akemiqo lau ipe no pi, “Ni ye pa ngukube eno lachile kulupu kiumu phulu amoe.

John 19:15

Ikemu panongu no ighamuku pi, “Pa sasü wuvelo! Pa sasü wuvelo! Pa yedavelo!” Pilate no iniju, “Ni ye nongu kükau yedaveni keshea?” Achinetomiqo no khochile, “Ningu ye Caesar kumo aye akükau kütami kühae.”

John 19:4

Pilate no itaghi khalau ipeghino tilehi Jewmi kumqo pe akemiqo vilo pi, “Julo, ni ye timi hipau shou ngukube eno lachile kepu kiumu phulu amoe ipi nongu pelo ithive peniye pa sasü nongu lau saipeghi anie.”

Apostolmi 2:23

Alhou no azünatha ghi ithithai püghüpe qhive keu vechewo Jisü pesü nongu u lo phesüve ke. Eno nongu no küsaküghamiqo kukuphu lu püzü kros lo Jisü yeda pìthíve ke.

Apostolmi 7:52

Nongu pù-asüqo no pishi-pujumo keu tungkupumi lakhimu akeshea? Panongu ye khunoqo no Amikuchomi Lakhi ighi nani ipi pichho keno tipaqo ghí heqhipithíve ke. Eno itehi ye nongu no pa jechuve eno ghiqhi pithivae—