John 19:4 - Sümi Tiqhelimi Bible

⁴ Pilate no itaghi khalau ipeghino tilehi Jewmi kumqo pe akemiqo vilo pi, “Julo, ni ye timi hipau shou ngukube eno lachile kepu kiumu phulu amoe ipi nongu pelo ithive peniye pa sasü nongu lau saipeghi anie.”

BAIBEL (BSI)

⁴ Pilat no itaghi khalau ideipe timiqo vilo pi, “Ino hila khalau pa sasu nongu lau ipeghinike julo, tishianguno niye pa pithikepu akiqi kiumu phumlakeu nongu pelo ithipenike.”

Sumi Naga CL (Re-edited) Bible (BSI)

⁴ Pilate no itaghi khalau ideipe timiqo vilo pi, “I no pa sasü khalau ipeghini ke julo, tishianguno I no pa lolo akipimi phumla keu nongu pelo ithi penie.”

John 19:4 Mawu Ofanana

MATTHEW 27:19

Kughou Pilate no xakütha lakhü lo iqa akeno, pa nipu no asütsa hitoi pa lau pi puwu, “Akipimí küha keu timi tipau shou kiumu shikepu kumoe, kughengu ìji I samou ni ye pa ghenguno aloqhi ime püani ke.”

MATTHEW 27:24

Kughou timiqo no muqhumüza thuve niye auve eno Pilate ye kiumu shimlava ipi ithive keno, pa no aqokitikhi zülo no azü pesü pa u mütsüve eno ishi pi, “Timi hipau pìthíve akeu lo I kipimí kiumu kühae, hiye nongu makho ke.”

MATTHEW 27:4

Pa no pi, “Ni ye axiné shivae, kughengu ni ye akipimí küha keu timi pesü thechu shivea ke.” Panongu no khochile, “Tiye ningu vilo kiu shilo pi kea? Tiye O likhi O vehua thono!”

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

Luke 23:4

Tisheno Pilate no achinetomiqo eno aqokitikhi vilo pìthitsü, “Ni ye timi hipau ngukube kepu akipimí kiumu phulu amoe.”

Luke 23:41

Nikujo ye achipi lono aghime ithulu ani, kughengu nikujo kümlà kiqi lono imeküzü qhemi ithulu anike. Ikemu timi hipau ye kiumu shipimi püamoe.”

Luke 23:47

Aqhe shou zatsüu no, kiu shive keno ithulu püzü Alhou sheqhe eno pi, “Mütsüqhei no timi hipau ye akivimie.”

John 18:33

Pilate no kükaki alou ide ilove no Jisü ku püzü pa vilo ishi iniju, “No ye Jewmiqo kükau keshea?”

John 18:38

Pilate no müghachhoi iniju, “Kuchou ye kiu kea?” Hipathiu pa no itaghi khalau Jewmi kumqo pe akemiqo lau ipe no pi, “Ni ye pa ngukube eno lachile kulupu kiumu phulu amoe.

John 19:6

Achinetomiqo eno panonguw hiyampemiqo no Jisü ithulukhavi panongu no ishi ighamuku, “Yedavelo! Yedavelo!” Ikemu Pilate no khochile, “Nongu no pa sasü wuve no pa yeda pìthívelo. I ghengu ye, ni ye timi hipau shou ngukube eno lachile kulupu kiumu phulu amoe.”

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

IBRIMI 7:26

Hitoi keu achinetomiqo shou atou ye ningu vehupu shilu cheni—pa ye Akimtheu, tukutiye küha, kitiqemo keu, axinemiqo lau no kütashi qhive keu, eno atsütsǘ nguno kunguu sheqhe pukuve keu ke.

1 Peter 1:19

ikemu ambeti lakhi jì toi keu Khristo jì mekusho, tukutiye küha keu eno azaku küha keu no nongu xaluvea ke.

1 Peter 2:22

“Pa ye axiné lakhimu shimoe, eno pa kichí lo pishikiqhi tsa lakhimu phumlae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.