John 18:12 - Sümi Tiqhelimi Bible

¹² Ikelo ghüshimi mqo eno panongu gholo zatsüu eno Jewmi’w hiyampemiqo no Jisü küghaluve. Panongu no Jisü tshüluve no

BAIBEL (BSI)

¹² Ike ghushimi ngo panoqo shou kijemi eno Achineki khemi ishino Jisu kughalu puzu pa tshuluveno

Sumi Naga CL (Re-edited) Bible (BSI)

¹² Jewmi ghüshimi eno panongu shou kepten ngo kijemi no Jisü küghape tshüluve.

John 18:12 Mawu Ofanana

MATTHEW 26:57

Jisü küghaluve kemiqo no pa sasü achinetomiqo shou atou Caiaphas lau sawu, tilehi ayeza kükütsümi eno kichimiqo kumqo pe ngo ae.

MATTHEW 27:2

Ike panongu no ayikichhe pesü Jisü tshüve, eno sawu püzü Angh Pilate u lo sǘvetsü.

MATTHEW 27:27

Tisheno angh’w ghüshimiqo no Jisü sailo angh kikhala lo qhi, eno ghüshimi lojiqo kümtsü hekütsü no pa sühope kumqoluve.

Mark 14:53

Panongu no Jisü sasü achinetomiqo shou atou lau wu, ikelo achinetomi, kichimi eno ayeza kükütsümiqo kümtsü ighino kumqoe.

Mark 15:1

Inaqhe itheno achinetomiqo gholo kichimi, ayeza kükütsümi eno Jewmi hoho lo akemiqo kümtsü küqha no aküküpütsa shie. Tisheno panongu no Jisü tshü pesü wu no Pilate lau phesüve tsü.

Luke 22:54

Tisheno panongu no Jisü küghaluve püzü pa sasü achinetou ki lo wuve. Peter ye putou no pape che.

John 18:3

Ike Judas no ghüshimi mqo, achinetomiqo’w hiyampemi khami eno Phariseemiqo là kichesü aghutu lo ighi. Panongu ye akuluqhe, amizükulu, eno aghünanuqo pesü ighi.

Apostolmi 10:1

Caesarea lo timi lakhi Cornelius ipikeu ache, pa ye Italymi Ghüshimi ipi chekeu lo aqhe shou zatsüu lakhi ke.

Apostolmi 21:31

Panongu no pa heqhipithíve niye pükapütsa akelo Jerusalem phughi kümtsü lo mubumghu ani ipikeu sütsa Rommi ghüshimiqo shou zatsüu lau tove.

Apostolmi 21:37

Ghüshimiqo no Paul sasü ghüshimi kungoki lo ilove niye kutò akelo Paul no zatsüu vilo ishi iniju, “I pelo O vilo kiuala pilu penima?” “No ye Greek tsa pi cheni keshea?” ipi pa no khochile.

Apostolmi 23:10

Alau shi müghachhoi kütsala kithe auve kehu zatsüu ye panongu no Paul süthapiniyive nosa keu msàve. Ikehu pa no ghüshimiqo vilo iqi no angukamu sǘ no panongu lau no Paul sasü ghüshimi kungoki lo saighive lo pi azah tsü.