John 17:6 - Sümi Tiqhelimi Bible

⁶ “Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

BAIBEL (BSI)

⁶ “Ayeghilomi gholono nono khunoqo ikhiphe pesu itsu keno tipanoqomi lau ino oje pephe piyevae. Panonguye owu ake, eno nono panongu itsuke, eno panonguye otsa peluvae.

Sumi Naga CL (Re-edited) Bible (BSI)

⁶ “Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

John 17:6 Mawu Ofanana

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 12:28

Apùo, O jekipipu shipelo!” Ikelo kungugha lono asütsa lakhi ighi, “Ni ye tipau juküvüpu shivae, eno itaghi tipau juküvü shitsü nanie.”

John 15:19

Nongu no ayeghiqha’w shi aghí aye ayeghiqha ye paw toi nongu kimiye nani. Nongu ye ayeghiqha’w kumoe, ikemu I no ayeghiqha lau no nongu kishepheluvae. Tighenguno ayeghiqha no nongu mithi ke.

John 15:3

I no nongu vilo pive keu tsa vechewo nongu ye mitheluvae.

John 15:7

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

John 17:12

I no panongu gholo akelo, I no panongu süsho eno nono aje I tsü keu pesü panongu sükusho shipe qhike. Kuchoyesü shikupu nike ghenguno ti lakhi pühaveni keu shi akeu kütsakungove keu kumo aye khumu pühave keu shi mphie.

John 17:14

I no O tsa pesü panongu tsüvae eno ayeghilomi no panongu mithi ke, kughengu I no ayeghi laumi kumo ketoi panongu ghí ayeghi laumi kumovae.

John 17:16

I no ayeghi laumi kumo ketoi panongu ghí ayeghi laumi kumovae.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 17:26

I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

John 17:7

Itehi panongu ye no no I tsü keu kümtsü O lau no ighi keu ke ipi ithivae.

John 18:9

Hipau shikeu ye pano atsa hitoi piqhipüa keu shikupu niye ke: “Ni ye nono I tsü keqo hu lakhimu püha mphie.”

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

John 6:39

Eno hino I puwu keu pulou ke, tiye pa no I tsü kemi lakhimu pühavemo püzü ashekha tsalà lono panoqo xüputhuni keu ke.

John 8:51

Kuchou no I no nongu vilo pìní, khukhumu I tsa gholu keu ye khilemu akithí ithulumo nanie.”

John 8:52

Jisü no hi pi kelo panongu no ishi ighamuku pi, “No ye tüghaküsa no tsüghape ani kepi ningu no ithivae! Abraham ye thivea eno tungkupumiqo ghí thivea, tishi keghi no ye khukhumu O tsa lukeu ye khilemu akithí michemo nani ipi ani.

Apostolmi 13:48

Kughou Jewkumomiqo no hi chilu keno panongu ye alokivishi Ampeu tsa gihue; eno khunoqo lhokta küxü lo kishesüluve keno pülübeluve.

Rommi 11:2

Alhou ye azüu no paw timi ithi pe ache kemiqo milivemoe. Kuchoyesü lo Elijah ghili kiu pipüani keno nongu ye mtha keshea. Pa ye Alhou lau Israelmi ghenguno muchho ghi ishi pike:

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

2 Tim. 1:13

Nono I lau no kiu chilu keno tipau no kuchou kükütsü ghola kepi papelo eno tipau gholo aküpülü eno Khristo Jisü kikimiye lono xülo.

IBRIMI 2:12

Pa no pi, “I no O je pe I thiküzümi eno I chelimiqo lau asheshu nani; I no aqo-aho zülo no O shekiqhe le phe nani.”

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

1 Peter 1:1

Peter, Jisü Khristo’w apostol lakhi, Alhou no kisheluve kemiqo, Pontus, Galatia, Cappadocia, Asia eno Bithynia bocho kümtsü lo hapheve no apanagha pe akemiqo lau,

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

Piyeküsü 3:8

I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.