John 17:5 - Sümi Tiqhelimi Bible

⁵ Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

BAIBEL (BSI)

⁵ Apuo! ayeghiqha lhophe mphilo ino ogholo achekeu jekipi hu pesu itehino ogholono ijepipi tsulo.

Sumi Naga CL (Re-edited) Bible (BSI)

⁵ Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 17:5 Mawu Ofanana

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 10:30

Ni eno I pù ye lakhi ke.”

John 14:9

Jisü no khochile, “Philip, I no nongu gholo ado kushuwa ngo ighive kethiu ghí no ye ni mtha keshea? Khukhumu ni ithuluve keu ye Apù ithuluvae. No ye kíshi püzü, ‘Apù hu ningu pìyelo,’ ipi ani kea?

John 17:1

Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 3:13

Kungugha lono ighi keu Timi Nu hu kumo aye khunomu kungugha lo wuju mphie.

John 8:58

Jisü no khochile, “Kuchou no I no nongu vilo pìní, ni ye Abraham punú mphi züu no acheghivae.”

FILIPIAMI 2:6

Pa ye Alhou lhoaye qhemi lo anamu pa pesü Alhou qhemi lo amasa kepi kümsümoe;

IBRIMI 1:10

Pa no hi ghí pi, “Ampeu, abothu lono nono ayeghi lhophe ke, eno kungugha ye O u no mülà keqo ke.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 John 1:2

Aküxü hu ipeghi ke; eno ningu no tipau ithuluve no thopi shi cheni, eno ningu no nongu lau lhokta küxü hu asheshu acheni, tiye Apù gholo ache no ningu lau ipeghi keu ke.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.