John 17:24 - Sümi Tiqhelimi Bible

²⁴ “Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

BAIBEL (BSI)

²⁴ Apuo! niye nono khunoqomi itsuve akeno tipaqo pelo niye khile ani keno igholo apenikeu ipulou ani, eno ayeghiqha lhophemphi lono nono ikimiye puzu akimthe jekipi itsukeu panongu pelo ikimthe jekipi ithulupeni shi ani.

Sumi Naga CL (Re-edited) Bible (BSI)

²⁴ Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 17:24 Mawu Ofanana

MATTHEW 25:21

“Pa mpeu no khochile, ‘Aghile shivea, pichebekulu eno I qeu kiviu, no ye thime aghulo lomu pichebekulu shike, I no O pelo thime kutomo shou pichempiu shipeni. Ighilo eno O mpeu lokivi lo küsaje lo.’

MATTHEW 25:23

“Pa mpeu no khochile, ‘Aghile shivea, pichebekulu eno I qeu kiviu! No ye thime aghulo lomu pichebekulu shike; I no O pelo thime kutomo shou pichempiu shipeni. Ighilo eno O mpeu lokivi lo küsaje lo!’

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

MATTHEW 26:29

I no nongu vilo piani, ni ye hinguno hilau ye atsala tipau tomo ke kutólo, I pù kükaphu lono nongu gholo akithé shi sho nikeu kumo aye, atsaithi hipau lono atsaizü sholumae.”

Luke 12:37

Aqemi khunoqo no ampeu no ighi kelo jukuto ngokhe aghí keu phuluni keno tipaqo kümghae. Kuchou no I no nongu vilo pìní, pa no lojí nikeu phimini pepu no panoqo pelo aghulhu lipa lo iqave püzü pa no ighino panoqo lojí nani.

Luke 23:43

Jisü no pa khochile, “Kuchou no I no O vilo pìní, no ye ishí no I gholo alokughuno-a lo aniae.”

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

John 14:3

Eno I no wu no nongu sala a-a kutò pe qhitsü aye, I no khilehi acheni keno nongu ghí tilehi apenike ghenguno ni ye ideighi no nongu sasü wu nani.

John 15:9

“Apù no I kimiye ketoi, ni ghí nongu kimiye ke. Itehi ye iw kikimiye gholo kimepe alo.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 17:22

Nono ajuküvü I tsü keu pesü I no panongu tsüvae, tishianguno nikujo no lakhi shi akeu toi panongu ghí lakhi shi ape niye ke—

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

John 6:39

Eno hino I puwu keu pulou ke, tiye pa no I tsü kemi lakhimu pühavemo püzü ashekha tsalà lono panoqo xüputhuni keu ke.

John 8:58

Jisü no khochile, “Kuchou no I no nongu vilo pìní, ni ye Abraham punú mphi züu no acheghivae.”

1 Kor. 13:12

Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

2 Kor. 5:8

I no piakeu eno ningu no pülüqhiyi akeu ye aphimpi qhive no Ampeu gholo aní keu no ningu pulou ke.

FILIPIAMI 1:23

Ni ye hiküma dolo tsakibi pe anie: Ni ye aküxü hipau qhive no Khristo gholo auve nishi anie, tipau pavi kuchou ke;

1 Thes. 4:17

Tipathiu no ningu thimo no xü aghí kemiqo ghí amlhü lono Ampeu sasü kusho nike panongu gholo no khüngküsü lo ikuve nani. Eno ningu ye Ampeu gholo alhokupuju acheuve nani.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.

Piyeküsü 21:22

Ni ye Akimthe Mishighüna lo achineki lakhimu ithumlae, kughengu Ampeu Alhou Akughushuu ngò Ambeti pama no Akimthe Mishighüna chineki ke.

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.