John 17:21 - Sümi Tiqhelimi Bible

²¹ Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

BAIBEL (BSI)

²¹ tishianguno panongu kumtsu lakhi shipenike. Apuo, nono ilolo aketoi eno ino ololo aketoi panongu ghi nigholo apeni, tishianguno nono ipuwukeu ayeghiqhano pulu penike.

Sumi Naga CL (Re-edited) Bible (BSI)

²¹ tishianguno No, Apu no I lolo eno I no O lolo aketoi panongu kümtsü lakhi shilu peni, eno panongu ghi nikujo gholo apeni, tishianguno Nono I puwu kepi ayeghiqha no pülülu penie.

John 17:21 Mawu Ofanana

Mark 3:24

Akükaphu lakhi lono kijetha keu ipeghive aye akükaphu tipau ye ipove nani.

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

John 10:30

Ni eno I pù ye lakhi ke.”

John 10:38

Ikemu tsalá I no tipaqo shi aye nongu no I pülümo namu akümlàqo pülülo, tishianguno nongu no Apù no I lolo akeu eno I no Apù lolo akeu ithi no vethalu nani ke.”

John 11:42

No ye alhokuthu I kighini chilutsü cheni kepi I no ithi anie, ikemu ni ye hilehi puthugho akemiqo kivipu ghenguno hi piani, tishianguno nono I puwu kepi panongu pelo pülülu peniye ke.”

John 13:32

Tsalá pa vechewo Alhou juküvüpu shive aye, Alhou no pa vechewo Anu jekipipu shitsü nani, eno ghuthukhavi lono pa jekipipu shitsü nani.

John 13:35

Nongu no lakhi no lakhi kimiyekilé aye kümtsü no nongu ye I khopemiqo kepi ithi nanie.”

John 17:11

Ni ye ayeghi lo ngo ani chemoe, ikemu panongu ye ayeghi lo aphie, eno ni ye O lau chenie. Apù Akimtheu, O je küká vechewo panongu süsho tsülo, aje tiye nono I tsü keu ke, tishianguno nikujo no lakhi shi ake toi panongu ghí lakhi shilu peniye ke.

John 17:18

Nono ayeghi lo I puwu keu toi, I no panongu pesü ayeghi lo puwuvae.

John 17:20

“Ni ye panongu ghengu likhi no inikhu anike kumoe. I no inikhu akeu ye khuno no panongu kükütsü sütsa vechewo I pülüni keno tipaqo ghengu ghí inikhu anie,

John 17:25

“Achipi shi chekeu Apùo, ayeghilomi no O mtha aghí namu, I no no ithi ani, eno panongu ye nono I puwu kepi ithi anie.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 17:8

Kughengu nono I tsü keu tsaqo panoqo tsüke eno panongu no tipaqo ikhilue. Panongu ye mütsüqhei no ni ye O lau no ighi kepi ithi ani, eno panongu ye nono I puwu kepi pülüluve ake.

John 3:17

Kughengu Alhou no pa Nu puwu keu ye ayeghilomi kiléqhi penike ghenguno kumoe, ikemu pa vechewo ayeghilomi xalu peniye ke.

John 5:23

tishianguno kümtsü no Apù gihu cheke toi Anu gihu peniye ke. Khukhumu Anu gihumo keu ye Apù khuu pa puwu keno pa ghí gihu chemoe.

Apostolmi 2:46

Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

Rommi 12:5

ningu kutomo shi aghí namu Khristo lono kimepe aphimpi lakhi lo ani, eno aphi-au no aphimpi lo kimepe akeu toi ningu kümtsü lakhi no lakhi sasü kimepe ani.

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

1 Kor. 12:12

Aphimpi ye lakhi shi aghí namu aphi-au kutomo anike, eno aphi-au kutomo no aphimpi lakhi kughulho chekeu toi Khristo phimpi ghí titoi ke.

1 Kor. 6:17

Ikemu khukhumu Ampeu gholo küqhave aye pa ye aghungu lono pa gholo lakhi shivae.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

1 John 1:3

Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

1 John 5:7

Kughengu thopi shi chekeu küthü ani: