John 16:11 - Sümi Tiqhelimi Bible

¹¹ eno küghakütha ghili kimchitsü nani, kughengu itehi ye ayeghi hipauu kükapuu kiléqhive ake.

BAIBEL (BSI)

¹¹ kughakutha ghili lhe nani kughengu ayeghiqha hipau yehkipeu shou kughakutha betsu ni ake.

Sumi Naga CL (Re-edited) Bible (BSI)

¹¹ küghaküthapu tsa loye, hipa yeghi lo yepeu shou küghathabe nani kehue.

John 16:11 Mawu Ofanana

MATTHEW 12:18

“Hiye khuu I no kishelu keno I qeu ke, I no kimiye chekeu, pa shou I mlokiqi acheni; I no I ghungu pa shou puku nani, eno pa no achipiu xakütha pesü shiyeqo lau asheshu nani.

MATTHEW 12:36

Ikemu I no nongu vilo pìní keu ye kümtsü no küghakütha tsalà lo pütüta no kutokupuimo no piqhive keu tsa kihikülai tsü moayesa nani.

Luke 10:18

Pa no khochile, “Tsütsüpha toi atsütsǘ lono Satan ikiqi keu I no ithulue.

John 12:31

Itehi ye ayeghiqha shou küghatha nikeu do shivae; eno itehi ye hipau yeghiqha kükapuu hapheve nani.

John 14:30

Niye nongu vilo kutomo pimae, kughengu ayeghi hipauu kükapuu cheni ke. Pa ye I shou aküka kiumu kühae,

John 16:12

“Ni ye nongu vilo pi kepu kutomo aphi kemu itehi nongu ye puqhemla nani.

Apostolmi 10:42

Pa no ningu vilo atsakiviu timiqo lau kütsü lo ipi azah tsü eno küxümi ngò kithimi shou küghaküthau shipe niye Alhou no süküsü shikeu hu ye pa ke ipi ashepe shilo pike.

Apostolmi 24:25

Paul no achipiumikucho, alikhi aghasükulu eno küghakütha ighi niye akeu ghili pi akelo Felix ye msàve eno pi, “Itehi ghengu ye tino taveni! No ye wuluve nani. I no kughou no ado shiluni keno I no O kupuwuni.”

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Rommi 16:20

Alokughuno tsü chekeu Lhou no kighithe Satan nedaqhive no nongu pukhu qholo qhivetsü nani. Ampeu Jisü’w küpükini nongu gholo apeniu.

Rommi 2:16

Hiye I no atsakiviu pikülha chekeu lono pive ketoi kughou Alhou no Jisü Khristo vechewo timiqow tuqhou shou küghathabe nike no tipau tsalà lono shi nani.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

Ephesiami 2:2

Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

Kolosiami 2:15

Hipau ghola lono pa no aküka eno kükaghaqo küká ikhiluve tsüke eno kros lono panongu shou toluve keu vechewo mìshí zülo no panongu shikukujo ke.

IBRIMI 2:14

Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

IBRIMI 9:27

Timiqo ye ghuthu lakhi thive nikeu kughuchope qhive keu toi, eno tithiu ye küghakütha sholu niye akeu toi,

2 Peter 3:7

Pulhosü keu tsa atho tipau vechewo itehi atsütsǘ lo akeqo ngò ayeghi ye ami ghenguno ghüpe püani, tiye küghakütha tsalà lo alhou mtha kemi kütsakungo nikeu ghenguno qhipe püani ke.

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.