John 15:2 - Sümi Tiqhelimi Bible

² Pa no I lolo athi pithímo keu lokaqo kümtsü micheve cheni, eno aloka athi pithí akeqo kümtsü pelo alau kutomo pithílu penike ghenguno pa no kixiphe chenie.

BAIBEL (BSI)

² Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

Sumi Naga CL (Re-edited) Bible (BSI)

² I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

John 15:2 Mawu Ofanana

MATTHEW 13:12

Khuno no ani keno alau tsü nani, eno panongu ye kupukuno shi anani. Khuno no küha keno, pano no kiu aghíni keno, ti ghí pano lau no ikhipe wuve tsü nani.

MATTHEW 13:33

Pa no itaghi panongu vilo kimghi pìye keu kütau pesü pi: “Kungugha kükaphu ye kholaqhi lakhi toi ke, tiye totimi lakhi no kholaqhi epesü ashokukubo ahukimighi muku tsünì toi keu lo kitekungove no, ti kümtsü kunuluve moke kutólo kunú akeu toi ke.”

MATTHEW 15:13

Pa no khochile, “Asütsüni khijehi I pù kungugha lo küau no shosümo keno akuhu lono nhüve nani.

MATTHEW 21:19

Alaphe lo mububo lakhi ithulu kehu, pa no tipau lo wuju ikemu tiye anipaqo likhi thono kiumu pithí aghimoe. Tile no Jisü no mububo vilo pi, “O pelo khilemu akiniù athi pithí pemoniu!” Ikelo paikhavi mububo hu no thizümüive.

MATTHEW 25:29

Kughengu khuno no ani keno alau tsü nani, eno panongu ye kupukuno shi anani. Khuno no küha keno, pano no kiu aghíni keno, ti ghí pano lau no ikhipe wuve tsü nani.

MATTHEW 3:10

Amghü ye asüboqo kuhu phivilo kutò pe ani, eno asübo khijehi no axathi kivi pithímoni keno yeqhive no ami lo vesüve nani.

MATTHEW 3:12

Paw fuleve kepu thigha ye pa u lo ani, eno pa no pa niqa shikimtheve püzü pa thì pekütsü pesü ale lo sǘ nani ikemu amuu ye khilemu ghapinhe müla keu mi lono pitive nani.”

MATTHEW 7:19

Axathi kivi pithímo keu sübo kümtsü yeqhive no ami lo vesüve cheni.

Mark 4:20

Kütami khamiqo ye aghüma kivi lo apitì ilolu keu toi Alhou tsa chilu eno ikhilu no athi kupukuno shi pithí cheni—eno vesü keu lono hami no shighi, hami no lhotsügho eno hami no aqhe ishi küghüsü pithílu cheni.”

Luke 8:13

Apitì atusaye yeghi shou ikiqi keqo ye Alhou tsa chilu kelo alokivishi ikhilu keqo ke; ikemu panongu ye akuhu qüsümoe. Ikehu ado kitila ghenguno pülüa no thekuju ighi kelo ikiqive kemiqo ke.

John 15:1

“Ni ye atsaibo kuchou ke, eno I pù ye atsailukichiu ke.

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 15:3

I no nongu vilo pive keu tsa vechewo nongu ye mitheluvae.

John 15:6

Nongu no I gholo kimepemo aye, nongu ye aloka peve püzü thizümüive keu toi ke; aloka tipaqo ye kiche pesü ami lo vesüve no pitive cheni.

John 15:8

Nongu no athi kutomo pithí keu hu no nongu ye I khopemiqo kepi pìyelu cheni eno hipau vechewo I pù juküvüpu shitsü cheni ke.

John 17:12

I no panongu gholo akelo, I no panongu süsho eno nono aje I tsü keu pesü panongu sükusho shipe qhike. Kuchoyesü shikupu nike ghenguno ti lakhi pühaveni keu shi akeu kütsakungove keu kumo aye khumu pühave keu shi mphie.

Rommi 11:17

Pighi achekeu olive sübo lo aloka khami no icheiqive kelo aghalow olive loka süwo tipau gholo kimepe qhive keu toi, nongu Jewkumomiqo ye aghasa lo olive sübo müzü toi kemu itehi ye lojiputhuve keu olive kuhu lo küsajelu ake toi Jewmi küxü lo kinikülü küsajelu anie.

Rommi 11:22

Tighenguno Alhou ye kiutoi küpüqhiyi eno ayiküsa keno kümsülulo: pa ye veqhive kemi lau ayiküsa shi cheni, ikemu nongu no paw küpüqhiyi keu lo cheche aye nongu lau küpüqhiyi keu anani. Tishimo aye, nongu ghí miché peve nani.

Rommi 8:28

Eno ningu no ithi akeu no Alhou ye thowkha kümtsü lo pa kimiye chekemiqo kivipu ghenguno mülà tsü cheni. Panongu ye pa kimiji kiqi lono kulùve kemiqo ke.

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

1 John 2:19

Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

Piyeküsü 3:19

I no khunoqo kimiye cheni keno I no tipaqo lomipi eno ghasü cheni ke. Tighenguno pulopiniyi shilo eno xaidevelo.